Рахазвай къванер
Тарихдин геле аваз  |  8(313) 2017      
     Чпел кхинар алай къадим къванериз алимри «рахазвай къванер» тIвар ганва. Кьиблепатан Дагъустандин лезги хуьрерай жагъанвай ихьтин къванерал X-XIII виш йисариз талукь кхьинар генани фад-фад дуьшуьш жезва. 
     И кхьинрай чаз тарихдин гзаф сирер чир жезва. Месела, ЦIахур хуьруьн патавай жагъанвай, 1278-йисуз талукь кхьинар алай са къванцел Исми шамхала лезгийрин Хиц хуьр чинеба басрух гана чукIурнавайди къалурнава.
     Луьчек хуьряй жагъанвай къванерал гзаф марагълу кхьинар ала. Абур XII-XIII виш йисара къелемдиз къачунвайбур я. Са къванцел араб кхьинралди хулагийрин гьаким Къази хандин кьушунринни лезгийрин арада кьиле фейи ягъунрикай малумат ганва: «Къази ханди гзаф лезги хуьрер барбатIна. Лезгийрини адан гзаф кьушунар кукIварна.»
     Са бязи къванерал абур кхьенвай ксарин тIварарни ала. Абурукай сад Гиблитан хва Лагьут Али я. Ада са къванцел ихьтин гафар кхьенва: «Куьне кIвалер эцигзава, а кIвалера квевай кьил хуьз жедач. Куьне хазинаяр кIватIзава, абур куьди жедач. Квез куь гъиле гьат тийидай хьтин затIарни кIанзава. Пек алукIуналди квевай а пек мадни иерди ийиз жедач. Ибур Гиблитан хва Лагьут Алиди кхьенвайди я.»
 
Тамилла БЕКЕРОВА,
Дагъустан Республикадин
Дербент шегьер, муаллим 
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Əks nümunə Демер жеда Дагестан распахнул объятия Aladaşda şənlik
Статьи из этой рубрики
Генералдикай гьикI наиб хьанай? Tarixi ad bərpa olunmalıdır Винел акъудзавачир делилар Къени крар авур хан Шабрандин тарих чирзава
ЦIИЙИ ТИЛИТ
№: 8(313)
сентябрь, 2017

Скачать PDF

РУБРИКИ

ПОЛЕЗНОЕ