“Суварин” тават
Чи тавдин кIвал  |  8(313) 2017      
     И гъилера «Самур» газетдин ре­дак­циядиз илифай тават лезгийрин харусенятдал рикI алайбуруз хъсандиз чида. Ам цIуд йисуз «Сувар» Лезги Манийринни Кьуьлерин Ансамблдин солист хьайи Альвия Гьасанова я. Бакудин Гьукуматдин Университет акьалтIарна тIвар-ван авай са компанида кIвалахзавай и иер руша ансамблдиз цIийи гьава, лезги руьгь гъанай. Чи халкьдин манийрални кьуьлерал ашукь тир Альвия жегьилар патал чешне тир. Лезги чIалал хъсандиз рахазвай и рушан рикI алай крарикай сад дидед чIалал акъатзавай ктабар кIелун тир. Вичин кьуьлерай лагьайтIа, кьиляй-кьилди зерифвални викIегьвал кIвахьдай. Мад са алакьун ава Альвиядихъ. Чи халкьдин баядар хуралай лугьуз пара кIандай адаз. Ансамблди эцигай сегьнейра кьугъвадай. Вичин верцIи юмор квай рахунралди вири гьейранардай. Гьавиляй эхиримжи йисара ада «Самур» газетдин ва «Сувар» ансамблдин мярекатарни тухванай. 
     Вичин буба Элмананни диде Мес­медин ватан тир КцIар райондин ЧIакIар ва Зинданмуругъ хуьрерал адан гзафни-гзаф рикI алай. Фад-фад гьа хуьрерай марагълу макъалаяр кхьена редакциядиз гъидай.
     Ингье кьуд йис инлай вилик Альвия­дин мехъер хьана. «Сувар» ансамблдин чIехи коллективди мукьувай иштирак авур а мехъерин суракьар яргъариз чкIа­на. Халисан дем хьиз кьиле фе­йи а межлисдал лезги манийринни кьуьлерин гьуьжетунри инсанриз хуш легьзеяр бахшнай. 
     Альвия вичин уьмуьрдин юлдаш тир Эльдар Пашаевахъ галаз санал Твер вилаятдин Удомля шегьерда яшамиш жез кьуд йис я. Гила абурухъ са гадани са руш ава.
     «Сувар» ансамблдин кьил С.Ке­ри­мовади коллективдин 20 йисан юби­лейдиз талукьарна чапдай акъудай «Су­вар» тIвар алай ктаб акурла Аль­виядивай вичин вилин накъвар хуьз хьанач.
     «Чи халкьдин уьмуьрда кьетIен са вакъиа тир «Сувар». Гзаф инсанар и ансамблди лезгийрин медениятда къугъвазвай рольдин гъавурда бегьемдиз акьунвач. Зун ва зун хьтин цIудралди жегьилар патал ам зурба мектеб тир. «Сувар» - дидед чIал, халкьдин адетар, дуствал, садвал лагьай чIал тирди за ватандай яргъара генани хъсандиз кьатIана. «Сувар» - зи уьмуьрдин цIуд  йис я. А цIуд йис хьаначиртIа, зи уьмуьрдихъ дад жечир», - лагьана Альвияди. Ахпа ктаб вичин рикIив агудна…
 
Айнур БАЙБУЛАТОВА

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Əks nümunə Демер жеда Дагестан распахнул объятия Aladaşda şənlik
Статьи из этой рубрики
Жуванбурун къайгъуда Жегьилар ва интернет Мурад кьилиз акъатна Редакциядин мугьманар Редакцияди мугьманар кьабулна
ЦIИЙИ ТИЛИТ

РУБРИКИ

ПОЛЕЗНОЕ