Къадир жен
Редакциядиз чар  |  7(312) 2017      
     Гьуьрметлу редакция! Куьне «Самур» газетдин чинра датIана гзаф кар алай месэлаяр къарагъарзава. Гьа и кар фикирда кьуна зани квез гьар са лезгидин рикIяй хабар гузвай са месэладикай кхьизва. Виридаз чизвайвал, Дагъустан Республикадин чилерин 1/3 паюнилайни чIехи пай лезги районри кьазва. И районрин чилер хаммалдин суьрсетралди девлетлу я. Икьван гагьди и месэла бегьемвилелди тупIалай авунвачтIани, малум тир делилрал бинелу яз са бязи баянар гуз жеда. Хив районда къванцицIивин квай чIехи чкаяр ава. Инаг ва Самурдин къерехар чIулав ва рангадин металлрин суьрсетралдини девлетлу я. Кеферпатан Къафкъазда рангадин металлрин виридалайни чIехи мяденар «Къизил дередиз» махсус я. Кьил акъуддай ксари гьисабнавайвал, ина 48,6 миллион тондив агакьна цурун суьрсетар ава.
     Дагъларин ценерив гвай чкайра полиметаллралди (кьуркьушум, цинк, цур) девлетлу чкаяр ашкара авунва. СтIал Сулейманан, Мегьарамдхуьруьн ва Кьурагь районрин чилер живедин суьрсетдалди бул я. СтIал Сулейманан районда гьакIни фосфоритдин ва селитрадин гзафни-гзаф суьрсетар ава.
     Докъузпара райондин ва маса районрин чилерал цIуд миллион тонаралди эцигунрин материалар авайди виридаз хъсандиз чизва. Кьиблепатан Дагъустанда 300 кьван кьелен мяденар гьалтзава. Ина кьадарсузвилелди киреждин къванерин, чирхедин, къумадин, доломитдин, цементдин хаммалдин суьрсетар ава.
Ахцегьа акъатзавай сагъардай ятар, гьакIни СтIал Сулейманан райондин «Рчал яд» вири дуьньядиз сейли я. Пешекарри лугьузвайвал, гьукуматди, гьакIни чпихъ чIехи мумкинвилер авай ксари къайгъу къалурайтIа, Кьиблепатан Дагъустандин лезги районра чиликай металлар хкуддай, химиядин ва эцигунрин материалрин санайияр вилик тухудай вири жуьредин къулайвилер ава. И месэла алатай асирдин 90-йисара Дагъустан Республикадин талукь министерстводини къарагъарнай. Ингье къедалди и рекьяй са карни арадал гъанвач.
 
Тагьирбег ШИХАЛИЕВ,
Дагъустан Республикадин Магьачкъала шегьер
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я ЧIал гъиляй физва Къелемдив женг чIугвазвай зари Винел акъудзавачир делилар Жуванбурун къайгъуда
Статьи из этой рубрики
Хайи чIалан къадир хьуьх Вириниз сейли хьанва Жуввал гьикI хуьда? Кьурагь дередин тават Маршалдин чар
ЦIИЙИ ТИЛИТ
№: 7(323)
август, 2018

Скачать PDF

РУБРИКИ

ПОЛЕЗНОЕ