Къубадин комплекс хуьн патал
Хабарар  |  6(311) 2017      
     1918-ийисуз эрмени дашнакри ва большевикри Къуба уездда чIехи къиргъинар кьиле тухванай. Абуру 16 агъзурдалай гзаф агьалияр гуьлле гана кьенай, 162 хуьр чукIурнай. А чIавуз кьейи агьайлирин са паяр, 8 агъзур кас лезгияр тир. Эрменийри чи 60 хуьр чукIурнай. Душмандин чIехи къуватрин вилик пад кьур лезгийри чкадин маса халкьарин - азербайжанвийрин, къирицIрин, будугърин, татрин куьмекдалди 1918-йисан 18-майдиз Къуба райондин Дигагь хуьруьн гила «Къанлу дере» лугьузвай кIама Амазаспа регьбервал гузвай эрменийринни большевикрин чIехи кьушунар кукIварнай.
     А девирдин вакъиаяр ва Къуба уезддин къагьриман рухваяр рикIера амукьдайвал авун патал Азербайжан Республикадин Президент Ильгьам Алиева 2009 -йисан 30 - декабрдиз талукь серенжем кьабулнай. Гьейдар Алиеван Фондуни а серенжемдив кьадайвал, Къубада «Геноциддин мемориал комплекс» арадал гъана. Ина хуьзвай тарихдин делилри, документри, экспозицийри а девирда эрменийри авур вагьшивилер русвагьдай мумкинвал гузва. Комплексди къецепатан уьлквейрай къвезвай туристриз, мугьманриз, алимриз ва масабуруз эрменийрин вагьшивилер къалурунин карда чIехи роль къугъвазва.
Гьайиф къведай кар ам я хьи, эхиримжи вахтара ина ачух гьавадал хуьзвай инсанрин кIарабар ктIиз гатIуннава. Абур хуьзвай чил ци тухузва ва и гьалар къвердавай къати жезва.
     Гьа и крар фикирда кьуна Азербайжан Республикадин Президентдин тапшуругъдалди администрациядин кьил Рамиз Мегьдиева талукь серенжем кьабулнава. Серенжемдив кьадайвал, кьилди комиссия арадал гъанва. А комиссияди Къубадин комплексдин гьалар хъсандиз чирна Президентдиз малумат гана кIанзава. Алай йисан 9 - июндиз комиссиядик квай ксар Къубада хьанва ва абуру комплекс хуьн патал герек тир теклифар гьазурзава.
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Квахьзава чи хуьрер... Агалкьунрин рекье Чешне къалурзава Вирида дамахзава
Статьи из этой рубрики
Мад са шегьре ЧIаларин музей Мад са телеканал Хуьрера филиалар Низамидин тIвар гуда
ЦIИЙИ ТИЛИТ
№: 8(313)
сентябрь, 2017

Скачать PDF

РУБРИКИ

ПОЛЕЗНОЕ