Чи рикIяй жедай
Редакциядиз чар  |  4(309) 2017      
     Играми «Самурдин» кIвалахдарар! Москвада яшамиш жезвай чна ва чи ярар-дустари квез саламар лугьузва. Газет фадлай кIелзаватIани, сад лагьай гъилер я чна редакциядиз чар ракъуриз. Гьар гъилера сайтина «Самурдин» цIийи тилит акурла чи хъвешивилихъ и кьил, а кьил жедач. Авайвал лугьун, «Самурдин» сайт ахъаяйла чаз чи хайи ватан акур хьиз жеда. Газетди гьам Азербайжандин, гьам Дагъустандин, гьамни вири дуьньядин лезгийрикай кхьизва. Виринрай, гьар са куьникай хабар гузва ада.
     Эхиримжи тилитдиз вил вегьен. Ина чи Яран суварикай, къагьриманрикай, Дербентдикай, лезги чIал хуьникай, Санкт-Петербургда кьиле фейи презентациядикай, цIийи лезги генералдикай гьикьван хъсан макъалаяр чапнава. «Редакцияди мугьманар кьабулна» макъаладай аквазвайвал, халкьдин патай газетдихъ чIехи гуьрмет ава. Гьавиляй ргазва редакцияда кIвалах. Чи журналистри цIийи темайралди, цIийи макъалайралди кIелзавайбурун рикI шадарзава.
Чун яргъара авайвиляй чавай «Самурдин» тедбирра иштирак ийиз жезвач. Куьне тухузвай гуьруьшар, нянияр, презентацияр сад-садалай марагълубур я. Куьн ара датIана хайи чIал хуьн ва вилик тухун патал халкь агудиз алахъзава. И рекьяй куь алахъунар ва агалкьунар тай авачирди я.
     Играми редакция, куь кIвалахдарри гьам Азербайжанда, гьамни Дагъустанда кIелдайбурухъ галаз гзаф марагълу мярекатар кьиле тухузва. Алатай йисуз куьне Дагъустан Республикадин СтIал Сулейманан районда тухвай гуьруьшдин тарифар гьелени ийизва. Яргъалди рикIел аламукьдай ихьтин тедбирри чак руьгь кутазва. Квевай ийир са тIалабун ава. Жечни «Самурдин» Москвада кIелдайбурухъ галаз гуьруьш тешкил авуртIа. Им рикIел аламукьдай мярекат жедай. Дуьз лагьайтIа, Москвада яшамиш жезвай лезгийриз чи тарихдихъ, медениятдихъ, чIалахъ галаз алакъалу гзаф суалриз жавабар жагъуриз кIанзава. Чна фагьумзавайвай, а суалриз чун рази ийидай жавабар анжах «Самурдин» кIвалахдарривай гуз жеда.
     Газетдин 25 йисан юбилей хьунухь чунни гзаф шад хьана. Адан 50 йисан, 100 йисан юбилеярни алукьдайдан чIалахъ я чун. Вучиз лагьайтIа «Самур» халкьдин трибунадиз элкъвенва. Ам халкьдин рикI алай, халкьдин рикIяй хабар гузвай газет я. Чна «Самурдин» кIвалахдарриз мадни чIехи агалкьунар тIалабзава. Аваз хьурай чи рикI алай газет!
 
Гьасан ШИХМУРАДОВ,
Сулейман АБДУЛКЪАДИРОВ,
Саидгьасан АГЬМЕДОВ,
Магьмуд АЛИБЕГОВ,
Москва шегьер 
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Туьркиядин лезги хуьр Дуьмберез Türkiyə ləzgiləri Кьурагь дередин тават Я Лацарин Гавдан дере Маршалдин чар
Статьи из этой рубрики
Маршалдин чар Хайи чIалан къадир хьуьх Кьурагь дередин тават Вириниз сейли хьанва Жуввал гьикI хуьда?
ЦIИЙИ ТИЛИТ
№: 3(319)
апрель, 2018

Скачать PDF

РУБРИКИ

ПОЛЕЗНОЕ