Чан диде
Редакциядиз чар  |  4(309) 2017      
 
     Гьахъ дуьнядиз фейи зи дидедиз, гьакIни вири дидейриз бахшзава
 
     КьепIин кьилихъ акъваздай вун хьaйтIани йиф кьулан диде,
     Hачагъ хьайла бицIек жуван, гуз гьазур тир на чан диде.
 
     Чан галачиз на балайриз гьич са гафни лугьудачир,
     Чан галачиз бес за мецел ви тIвар гьикI гъин, я чан диде.
 
     РикIин патав ви къужахдин чимивални хъуьтуьлвилер,
     Гьич рикIелай алатдач зи, виридалай масан диде.
 
     НекIедихъ кваз хайи чIалан авазарни хъвана чна,
     ВерцIвилиз мад гьалтнач зал, экъвейтIани а ван диде.
 
     Жуваз ахвар къвезвайтIани лай-лай лугьуз ксурдай на,
     Кьил эцигна ви метIерал, ахвар къведай хъсан диде.
 
     Са чIавар тир, духтур-дарман жагъидачир кIан хьайила,
     ТIа хьай пелел эцигдай гъил тир чаз мелгьем –дарман диде.
 
     Я югъ, я йиф чидачир ваз, къваз тавуна зегьмет чIугдай,
     Галатай чIал къалурдачир, ятIан кIвалах залан диде.
 
     Дидед зегьмет чIугур са кас аватIа сад къалура заз,
     Маса диде хьун чIалах я, балад патал жуван диде.
 
     Лезги адет багьа тир ваз, лугьуз эдеб хвена кIанда,
     Бубад гафар кваз такъурла, ваз хъел къведай яман диде.
 
     Къваз тавуна ваз тIаата лугьузвайди гъуцар я чаз,
     Садни чIехи ктабар я : Таврат, Инжил, Къуран диде.
 
     Женнет гьа ви кIвачер кIаник гала лугьуз, мусурманрин
     Пайгъамбарди и дуьньядиз авуна икI баян диде.
 
     Ви тIвар чIехи гьуьрметдивди кьан тийидай луматI ксар,
     Буба кьейи душманар хьиз рикIиз жеда дакIан диде.
 
     Лезги, урус, я туьрк хьурай, гъвечIи-чIехид, я руш-гада,
     А ви хатур хайи касдиз лугьуз жедач инсан диде.
 
     Вяде хьайла куьч жен патал, Муьшкуьрд чилел динж жен патал,
     Къуншивилиз хкяйна на - пIир тир Баба Уьрьян диде.
 
     Гьахъ дуьнядиз фенватIани вун чи рикIе сагъ я гьеле,
     ЦIигел жемир, чIав атайла зунни къведа мугьман диде.
 
     Веледар ви саламат я, руьгь шад хьурай штулрикай,
     Гатфар цуьк хьиз чIехи жезва, ви тIвар алай Лейсан диде.
 
     Балайрикай сад са тIимил начагъ хьанвай - гьикI чир хьана?
     Ахварай заз акуна вун, ацукьнаваз пашман диде.
 
     Сур ягъана къарагъайла мегьшер чIавуз гьазур я вун,
     Балад патал шагьид къвазиз, хьайла терез-мизан диде.
 
     РикIел хкиз вахъ галаз хьай ширин чIавар - бахтавар къар,
     Ацукьнава патав къе зун чIулав мармард суран диде.
 
     Дуьньядавай тIварарикай хкягайтIа виневайди,
     Са ви тIварциз лугьуз жеда дагъларилай кьакьан диде.
 
     Виридалай вине авай а чIехи тIвар гьа ваз лайих,
     Хуьз тахьайтIа, Алпан хьурай ви кIвачерик къурбан диде.
 
 АЛПАН
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Туьркиядин лезги хуьр Дуьмберез Türkiyə ləzgiləri Кьурагь дередин тават Я Лацарин Гавдан дере Маршалдин чар
Статьи из этой рубрики
Хайи чIалан къадир хьуьх КТАБАР КIАНЗАВА Жуввал гьикI хуьда? Маршалдин чар Кьурагь дередин тават
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ