Фильм къалурна
Хабарар  |  4(309) 2017      
     «ARB Media Qrup» яратмишунрин кIватIалди алатай йисан 29-декабрдиз эрмени чапхунчийрихъ галаз эхирдалди женг чIугуна гьелек хьайи кьегьал лезги, Азербайжандин Милли Къагьриман Чингиз Къурбанован уьмуьрдин рекьиз  талукьарнавай фильм чIугунва. И йикъара фильм са вахтунда Ч.Къурбанова акьалтIарай Азербайжандин Техники Университетда къалурна. Сифте яз фильм къалурзавай мярекатда Милли Къагьримандин хизанди, Милли Межлисдин депутатри, гьукуматдин тешкилатрин векилри, республикадин тIвар-ван авай ксари иштиракна.
     Фильм Чингиз Къурбанов дидедиз хьайи КцIар райондин Яргун хуьре, ада кIелай университетда, гьакIни Товуз районда къуллугъ авур «N» частуна чIугунава. Ам гзаф марагълуди, гьар са касдиз эсер ийидайди хьанва.
     Инсанрик ватанпересвилин руьгь кутаз­вай «Дуьз акъатай ахвар» фильмдин идея ганвайди ва кьилин продюсер Вели Туран, къурулушдин режиссёр Деянет Рзаев я. АзТУ-дин ректордин везифа кьилиз акъудзавай Халыкъ Ягьудова, Милли Межлисдин депутат Айдын Мирзезадеди, машгьур къелем­эгьли Абдулла Къурбаниди ва масабуру фильмдиз лайихлу къимет гана ва чи уьлкведа Ватан патал гьелек хьайи кьегьал рухвайрин руьгьдиз датIана лайихлудаказ икрам ийизвайди къейд авуна. Мярекатдин эхирда Милли Къагьримандин буба Салман Къурбанова фильм арадиз гъайи коллективдиз ва мярекатдин иштиракчийриз рикIин сидкьидай разивал къалурна.
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Туьркиядин лезги хуьр Дуьмберез Türkiyə ləzgiləri Кьурагь дередин тават Я Лацарин Гавдан дере Маршалдин чар
Статьи из этой рубрики
Интернетдихъ ялзава Мад са телеканал Хуьрера филиалар Низамидин тIвар гуда Китайда эцигда
ЦIИЙИ ТИЛИТ

РУБРИКИ

ПОЛЕЗНОЕ