Хабарар | 4(309) 2017
Алай йисан 12-22-майдиз Бакуда гзаф зурба мярекат - IV Исламдин Рейсадвилин Къугъунар кьиле фида. Къугъунар тешкилзавайди ва тухузвайди вичик дуьньядин 57 мусурман уьлкве экечIнавай Исламдин Рейсадвилин Спортдин Федерация я. 10 юкъуз кьиле фена кIанзавай гьуьжетунра 50-далай гзаф уьлквейрай атанвай 4 агъзурдав агакьна атлетри иштиракда. Спортдин 22 хиляй гьуьжетунар жеда. Абурук атлетика, гимнастика, баскетбол, теннис, бокс, футбол, волейбол, кьуршахар кьун, дзюдо, ушо, карате, таеквондо ва маса хилер акатзава.
Мярекатдин йикъара Баку исламдин медениятдин меркездиз элкъведа. Къугъунар хъсандиз кьиле тухун патал вири жуьредин къулай шартIар арадал гъанва. Спортсменриз, журналистриз, мугьманриз вини дережада къуллугъ ийида.
Азербайжан Республикадин Президент Илгьам Алиеван 2015-йисан 18-сентябрдин серенжемдив кьадайвал, Тешкилатдин Комитет туькIуьрнава. Азербайжан Республикадин Сад лагьай вице-президент, Гьейдар Алиеван Фондунин президент, ЮНЕСКО-дин ва ИСЕСКО-дин къени ниятрин посол Мегьрибан Алиева Тешкилатдин Комитетдин седривиле тайинарнава. Тешкилатчийри Европадин Къугъунра гъилик авур тежрибадикай гегьеншдиз менфят къачуда.
Скачать PDF
Комментарии к статье
Будьте первым кто оставит комментарий к статье.Оставить комментарий