Дамах кутазва
Редакциядиз чар  |  4(309) 2017      
     Играми редакция! «Са­мурдин» 25 йисан юбилей чи халкьдин тарихда чIехи вакъиадиз элкъвенва. Авайвал лагьайтIа, гьа чи рикI алай Яран сувар хьиз къейд авуна кIелдайбуру газетдин юбилей. ГьакI тирди «Самурдин» чинриз акъуднавай чарарайни аквазва.
     Шумуд йисар я чи мектебди «Самур» кхьиз. Чи кIелдайбуру газетдин гьар нумра вилив хуьзва. Вучиз лагьайтIа ина лезги халкьдин тарихдиз, ацукьун-къарагъуниз, медениятдиз, хайи чIалаз талукь сад-садалай марагълу макъалаяр чап жезва. И макъалаяр лагьайтIа, садрани куьгьне жезвайбур туш, гьамиша герек къвезвайбур я. Аквадай гьаларай, чи журналистри газет вацра садра акъатзавайди фикирда кьуна, ихьтин кар алай макъалаяр кхьизва. 
     Мад са месэладикай лугьун. Маса мектебра хьиз, чи мектебдани аялриз лезги чIалан тарсар гузва. Ингье вирина хьиз, чинани учебникар агакьзавач. Газетда акъатзавай «Самурдин мектеб» чини и татугайвал арадай акъудиз куьмек гузва. Вучиз лагьайтIа ина чапзавай материалра гьам грамматикадин, гьамни эдебиятдин месэлаяр къарагъарзава. Виликан вахтара и чина чIалан ва эдебиятдин муаллимриз гзаф метлеблу меслятарни гузвай. Ихьтин меслятар гун давамарайтIа хъсан я.
     Чи кIелдайбурухъ мад са тIалабун ава. Газетдин «Гафалаг» рубрикадик кваз гузвай гафар кьилди гафарган хьиз чап авунайтIа хъсан жедай. Гафалагда чи рикIелай алатнавай гзаф къиметлу гафар гьатнава.
     Эхирдай заз чи кIелдайбурун тIварцIелай «Самурдин» коллективдиз чандин сагъвал ва мадни чIехи агалкьунар тIалабиз кIанзава. Газетдин 100 йисан юбилей къейд ийидай йикъар алукьрай.
 
Маина ХАНМЕТОВА,
Хачмаз райондин Лечет хуьруьн
юкьван мектебдин директор 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Туьркиядин лезги хуьр Дуьмберез Türkiyə ləzgiləri Кьурагь дередин тават Я Лацарин Гавдан дере Маршалдин чар
Статьи из этой рубрики
Хайи чIалан къадир хьуьх Вириниз сейли хьанва Жуввал гьикI хуьда? Кьурагь дередин тават Маршалдин чар
ЦIИЙИ ТИЛИТ
№: 7(323)
август, 2018

Скачать PDF

РУБРИКИ

ПОЛЕЗНОЕ