Жуввал хуьзва
Редакциядиз чар  |  4(309) 2017      
     Гзаф йисар я за «Самур» кхьиз. Ву­чиз лагьайтIа ам чи лезгивал, чи жуввал хуь­звай газет я. Алай девирда ихьтин алакьунар гьар газетдиз несиб туш. Я гьар газетни «Самур» хьиз марагълуз акъатзавач. Вуч я газет марагълу ийиз­вайди? Адан лугьуз тежер кьван маналу ма­къалаяр, надир хабарар, рикI ахъайдай шикилар, сан­лай газетдин акунар. Гьа ихьтин кьетIенвилер авайвиляй «Самурди» гьасятда кIелдайбур вичихъ ялзава. Авайвал лагьайтIа, заз газетдин вири материалрикай хуш къвезва. Иллаки тарихдиз, чIалаз, чи адетриз талукь макъалайрикай. Газетди къецепатан уьлквейра яшамиш жезвай лезгийрикай чапзавай макъалайрикай вирибуруз хуш къвезва. Вучиз лагьайтIа ана цIийи информация, икьван гагьди чаз тийижир делилар, маса дуьньякьатIунар ава. Гзаф макъалайрай зегьметдал рикI алай чи ватанэгьлийрин къамат аквазва. И кхьинрин лейтмотив сад я: санлай лезгияр зегьмет кIани халкь я. Зегьмет чIугуртIа чи мурадарни кьилиз акъатда. Чавай чи хуьрерни шегьерар абад ва девлетлу ийиз жеда. Килиг садра Россияда, Германияда, Америкада, Туьркияда гьикьван лезгияр чпин зегьметдални алакьунрал чешнелу хьанватIа. Бес чавай чи ватанда ихьтин чешне къалуриз жедачни? Гъил-гъиле гайитIа, къуьн-къуьне кутуна кIвалахайтIа, чи чилер авадан, хуьрер абад жеда. Гьа ихьтин тербия гузва газетди вичин кIелдайбуруз. Хъсан крар патал абур агудиз алахъзава. Жуввал хуьн патал эвер гузва вири лезгийриз. Гьа ихьтин жавабдар везифа кьилиз акъудзава лугьуз чаз пара кIан я «Самур»! Вичихъ гьа ихьтин алакьунар ава лугьуз чна адаз цIийи агалкьунар тIалабзава. Адан уьмуьр яргъиди, вегьезвай камар мадни мягькембур хьурай лугьузва. Самур вацI хьиз, виш йисариз элячIрай чи «Самур» газет.
 
Нариман ОСМАНОВ, 
КцIар райондин Самур посёлокдин 
азарханадин кьил, 
республикадин лайихлу духтур 
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Туьркиядин лезги хуьр Дуьмберез Türkiyə ləzgiləri Кьурагь дередин тават Я Лацарин Гавдан дере Маршалдин чар
Статьи из этой рубрики
Маршалдин чар Кьурагь дередин тават Жуввал гьикI хуьда? Вириниз сейли хьанва Хайи чIалан къадир хьуьх
ЦIИЙИ ТИЛИТ

РУБРИКИ

ПОЛЕЗНОЕ