Кьурагь дередин тават
Редакциядиз чар  |  4(309) 2017      
     Кьурагь дереда чпихъ алакьунар авай камаллу рухваярни рушар гзаф ава. Абурукай садни Кевсер Фейзуллаева я. Чи халкьдин меденият, адетар хуьнихъ ада кутазвай пай зурбади я.
     Кевсер Фейзуллаева 1957-йисан 15 - апрелдиз Кьурагьа дидедиз хьана. Ина юкьван мектеб акьалтIарна, Гуржистан Республикадин Тифлисдин Театрдин Институтда чирвилер къачуна, хайи ватандиз хтана. Ада пуд йисуз Дербент шегьерда СтIал Сулейманан тIварунихъ галай Лезги Театрда кIвалахна. 1983 - йисуз ам Кьурагьа халкьдин театрдин режиссервиле тайинарна.
     Идалай гуьгъуьниз Кевсера гзаф йисара вичин хайи районда медениятдин к1валин директорвиле кIвалахна. 2002 - йисуз адаз «Медениятдин лайихлу пешекар» лагьай тIвар гайила, вирида сад хьиз лагьана: «Гьалал я адаз и тIвар».
     Кевсеран диде - Абидат Назаралиева медениятдин лайихлу пешекар ва артист, буба Жавид Назаралиев Кьурагьрин театрдин режиссер ва медениятдин кIвалин директор тир. Рушани хайибурун рехъ давамарзава. 2012 - йисалай медениятдин идарадин чIехидан заместителвиле кIва­лахай дишегьлидиз 2015 - йисуз “Ви­ридалайни лайихлу медениятдин кIвалахдар “ лагьай тIвар гана. Гьа чIавалай ада “Россиядин халкьарин медениятдинни адетрин макандиз» регьбервал гузва. Хайи Кьурагь районда, гьакIни Дагъустандин лезги районра са суварни Кевсер Фейзуллаева галачиз кьиле фидач. 
     Фейзуллаева Кевсер вад рушан диде, 12 хтулдин баде я. Адан са руша - Фатима Фейзуллаевади вичин ч1ехи бубадин, бадедин ва хайи дидедин рехъ давамарзава.
     Алай вахтунда ада Дербентда Гьуку­матдин Лезги Театрда кIвалахзава. 
     Алай йисан 12 - майдиз Кьурагь­рин медениятдин кIвале Кевсер Фей­зул­лаевадин 60 йисан юбилей тухуда. Чна адаз чандин сагъвал, рикIин шадвал, мадни чIехи агалкьунар тIалабзава. 
 
Дилмира АШУРБЕГОВА

 

 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Туьркиядин лезги хуьр Дуьмберез Türkiyə ləzgiləri Я Лацарин Гавдан дере Маршалдин чар XVII виш йисан лезги зарияр
Статьи из этой рубрики
Маршалдин чар Хайи чIалан къадир хьуьх Вириниз сейли хьанва Жуввал гьикI хуьда? ЧIал чирин
ЦIИЙИ ТИЛИТ

РУБРИКИ

ПОЛЕЗНОЕ