Поэзия | 3(308) 2017
Намик Ферзалиев Исмаиллы райондин КIелетрин хуьре дидедиз хьана. Ина юкьван мектеб акьалтIарна, Москвадин Автомобилдин Рекьерин Институтда кIелна. Алай вахтунда Урусатдин Екатеринбург шегьерда уьмуьрзава. Ам карчивилив машгъул я. Поэзиядал рикI алай Н.Ферзалиева лезги ва азербайжан чIаларал шиирар кхьизва.
Шикил
Са шикилди килигзава цлалай,
Лал са шикил - авач адахъ рахар мез.
И шикилди - диде-буба саналлай,
Ийизва заз гила абур чеб эвез.
Авай лугьуз, диде-буба, ягъалмиш
ХьанатIа жал - фикириз за, хазва кьил.
Саки хьанач гьич дуьньядал яшамиш,
Саки даим хьайид я тек и шикил.
КьатIузва за, кьетIен фикир гайила,
Абурун руьгь даим винел ала зи.
Бегьем тушир са кlвалахдихъ гелкъвейла,
Туьнбуьгьрикай чуьнуьх тежез ава зун.
Папав къализ, ван хкажиз тадач зав,
«Сусав къалдайд такурай чи вилериз».
Аялрин хъел за зи къене чIугвазва,
“КичIе мижер,” - вил ягъазва хтулриз.
Начагь хьана алай чIавуз месел зун,
Чан-рикIзава заз бубадин вилери.
Мелгьем жезва дидедин са килигун,
Авхарзава зи тан саки гъилерив.
Са шикилдин кIаник ксуз-къарагъиз,
Авазва зун, рекье твазва йисар за.
Хайибурун ванци, легьзед карагиз,
Яшайишдин гьевесар зав хуьзава.
Чарчар
Хци чархар атIуз, кьакьан рагарай,
Авахьзава чарчар гужлудиз, гурдиз.
Къал къачуз катзава, къвезва цаварай,
Вуч ятlа чилерал акун тавурди?
Белки са ашкъ ятIа арадавайди?
Белки ятар адан чилихъ къаних я?
Чилел вичин несиб гьалч жезвай къванер,
Бажагьат абурухъ икьван дарих я.
Авахьиз къванерал, чарчар чкIизва,
Чlугвазвай зегьметар физва гьавая.
Умудрин гуьгъуьна датIана физва,
Амма мад кьил къванце акьазва адан.
Скачать PDF
Комментарии к статье
Будьте первым кто оставит комментарий к статье.Оставить комментарий