Касбубадин хкетар
Фольклор  |  3(308) 2017      
ГЬИКI ХЬАЙИТIАНИ РАХАДА
 
     Са юкъуз Касбуба вичин гъвечIи гадани галаз рекьиз экъечIна. Ам гада ламрал акьадарна вич яхдиз физвай. Рекье дуьшуьш хьайибуру лугьузвай:
     - Пагь им аку, гъвечIи аял ламрал акьадарна, вич яхдиз физва. 
     И гафарин ван хьайи Касбубади халкь рахун тавурай лагьана гада авудна, вич ламрал акьахна.
     Рехъди физвайбуру ам акуна лагьана: 
     - И касдиз регъуь тахьун аку, чIехи итим яз вич ламрал акьахнава, гъвечIи гада  яхдиз тухузва.
     Касбубади гада ламрал ахкьадар хъувуна. Са кьадар рехъ фейидалай кьулухъ дуьшуьш хьайи маса инсанар виликанбурулайни гзаф рахаз хьана:
    - И кьуьзуь касдихъ гьич инсаф авач. И чими юкъуз гьайвандин язух татана кьведни акьахна физва.
    И гафар ван хьайила ада лагьана:
    - Ша чан хва, чун кьведни эвичIна яхдиз фин, ибуру чалай гъил къачудач.
    Рекье дуьшуьш хьайи маса инсанри:
    - Лам къувунарна чеб кьведни яхдиз физвай ибурун акьулдиз килиг, - лу­гьузвай.
    И гафарикай Касбубадихъ хъел акатна:
    - Инсанар гьикI хьайитIани рахада, ша чун ламрал ахкьах хъийин, - лагьана.
 
 
КЪУНШИДИН МЕСЛЯТ
 
    Са къуншиди Касбубадивай хабар кьуна:
    - Я къунши, зун папан чIалаз килигдани, килигдачни, на вуч меслят къалурзава? 
    - Ваъ яда, итим папан чIалаз килигдани? - жаваб гана Касбубади.
    - Зи папа къе нянихъ ваз эвера, вичи са хъсан хуьрекни чрада лугьузва, акI ятIа акъвазрай, герек авач.
    - АкI виже къведач, акьуллу папан гафуниз килигна кIанда, - лагьана тади кваз Касбубади.
 
ЗИ СА КIВАЧИК КАПI КВАЧ
 
     Касбубади гъилер-кIвачер чуьхуьдайла адан са кIвач чуьхуьдай яд бес хьанач. Аниз килигна Касбуба капIдай чIавуз са кIвачел акъвазиз хьана.
     - Касбуба, вун са кIвачел вучиз акъвазнава?
    - Вучиз лагьайтIа, зи са кIвачик  капI квач.
 
ЛАМРАН ЧIАЛ ЛАМРАЗ ЧИР ЖЕДА
 
     Садра хуьруьн кавхади, вич гзаф чирвилер авай итим тирди субутун патал, кьил агъузна акъвазнавай ламраз килигна лагьана:
     - Ламраз вич галатнава лугьуз кIанзава гьа…
     Къвалав гвай Касбубади адан гафунал къул чIугуна:
     - Ламран чIал ламраз чир хьана кIанда.

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Яран сувар, жуван сувар Редакцияди мугьманар кьабулна Для сохранения языка Мубарак
Статьи из этой рубрики
Я Лацарин Гавдан дере Бадейрин кьула Кусары - столица фольклора Къурушвийрин мисалар Яран мисалар
ЦIИЙИ ТИЛИТ
№: 7(323)
август, 2018

Скачать PDF

РУБРИКИ

ПОЛЕЗНОЕ