Руьгь кутадай чарар
Редакциядиз чар  |  3(308) 2017      
     Аямди гьикьван кIевера туртIани, вичихъ жегьилвилинни викIегьвилин  къуват-такьат авай, гележегдихъ умудар кваз датIана вилик камар къачузвай «Самур» газетдин 25 йис хьунухьи вири халкьдик руьгь кутунва. «Самур» хуьн викIегьвал я», «Хайи газетдиз виш йисарин уьмуьрар тIалабзава чна», «Самур» халкьдин дамахдиз элкъвенва», «Чи газет хайи Самур вацI хьиз даим аваз хьурай» - гьа ихьтин хуш гафарни баркаяр, эрзиман мурадарни тIалабунар авай вишералди чарар ракъурнава эхиримжи варцара кIелдайбуру редакциядиз. Санлай 10 уьлкведай 300 кьван инсанди редакциядин коллективдиз ва кIелдайбуруз «Самурдин» 25 йисан юбилей тебрикзава. Гьарада вичин саягъда къимет гузва газетдиз, адакай инсандин гьиссерал звал гъидай, рикI шадардай, кIанивилив диганвай гафарни фикирар лугьузва.
     ЦIийи йис алукьай йикъалай инихъ чна Азербайжандайни Дагъустандай хьиз, Россиядин чара-чара регионрай, Бе­лорусиядай, Туьркиядай, Герма­ния­дай, Англиядай, Америкадин Сад­хьан­вай Штатрай, Уьзбекистандай, Къир­­гъизистандай, Къазахстандай, Фран­циядай ва маса уьлквейрай къачур ча­рара «Самурдикай» гьихьтин фикирар лагьанватIа чир хьун патал са бязи кхьинриз вил вегьин бес я.
     Туьркиядин Бурса Меденият ва Даянышма Дернегдин регьберар, чеб лезгияр тир Яшар Сабри Дуьндера ва Рамазан Кора, ина чап жезвай «Дагъустан» журналдин редактор, вич авар тир Шагьабетдин Уьздена, къирицIви Абдулла Къубалиди чи коллектив икI тебрикзава: «Алатай йисуз Бакуда хьайила чун «Самур» газетдин редакциядиз илифна, адан коллективдихъ галаз мукьувай таниш хьана. Газет гьикьван рикI алаз, гьикьван марагълуз акъудзава куьне. Тек са лезгийрин ваъ, азербайжанвийрин, аваррин ва маса халкьарин тарихдиз, медениятдиз талукь макъалаярни чапзава «Самурди». Адаз халкьарин дуствилин муьгъ лугьуз жеда. И муьгъ генани мягькемди, вири уьлквейрихъ ялдайди хьурай.
     Гьар гъилера газет къачурла чи хвешивилик и кьил а кьил жедач. Вучиз лагьайтIа адакай чаз Ватандин ни къвезва. Къуй инлай кьулухъни «Самурди» Ватандивай яргъара, дуьньядин чара-чара уьлквейра яшамиш жезвай чи ватанэгьлийрин рикI шадаррай, абурукай кхьирай. Рекьер экуьди, уьмуьр яргъиди хьурай газетдин.»
     Чи газетдихъ галаз са яшар тир Марат Гуьлиева Англиядай кхьизва: «За жуван стха Эмилахъ галаз санал кIвалахзава. Чи диде Литвадай, буба Къуба райондин Дигагь хуьряй я. «Самурди» Эмилакай макъалаяр, гьакIни адан чарар чапна. Адаз хьиз зазни жуван хайи лезги чIал, гьакIни урус, литов, инглис чIалар хъсандиз чида. Зани газет рикI алаз кIелзава. Ина авай вири лезги жегьилри «Самурдалди» дамахзава. Чна квез мадни чIехи агалкьунар тIалабзава. «Самурди» вичин 100 йисан юбилей къейд ийидай йикъар алукьрай».
     Вич асул Салян райондай тир, Генжедин Технологиядин Институт акьалтIарна гзаф йисара Бакуда кIвалахай, гила Францияда авай Багъдагуьл Самедовади кхьенвай чарни таъсирлуди я: «Играми «Самур», зун са шумуд ийс я Францияда яшамиш жез. Бакуда кIвалахдайла за «Самур» газет гьамиша кIелдай. Азербайжан ва урус чIаларал гузвай макъалаяр за цIарни тутуна кIелдай, гьатта газетдай заз са кьадар лезги гафарни чир хьанай. Зи «Самурдал» гзаф рикI ала. Францияда за ам сайтинай кIелзава. Икьван хъсан газет акъудзавай куьн сагъ хьурай. Куьне къарагъарзавай месэлаяр чи рикIяй я. За квез агалкьунар тIалабзава.»
     Уьзбекистандай Полад Бабаевани чун рикIин сидкьидай тебрикзава: «Гьуьр­метлу «Самурдин» кIвалахдарар! Зани зи хизанди газетдин сайт гьамиша вилив хуьзва. ЧIал хуьн патал куьне чIугвазвай женг зурбади я. Газетда чапзавай гафалагдикай чна чаз гафарганни туькIуьрнава. Квез «Самурдин» 25 йисан юбилей кутуграй. Хайи чIалан къадир авай гьар са касди квез куьмек гана кIанзава».
     Эхиримжи фикир гзаф чарара дуьшуьш жезва. Гьакъикъатдани газет хуьн патал чна вирида гъил-гъиле гана кIанзава. АкI хьайитIа, чавай газет виш йисузни хуьз жеда. Гьа инал чаз Къиргъизистандай тир лезги Агьмедхан Расулован гафар рикIел хкиз кIанзава. Ада вичин гафар вири кIелдайбурув агакьарун тIалабзава: «Лезгияр, квез дидед чIал хуьз кIанзаватIа, «Самурдив» агат. Квез лезгивал хуьз кIанзаватIа, «Самур» кхьихь.» Къуй и гафар вири лезгияр патал девиздиз элкъуьрай. Хайи газет хуьз жедайвал. Халкь трибуна авачиз тамукьдайвал. 
 
«САМУР»
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Яран сувар, жуван сувар Редакцияди мугьманар кьабулна Для сохранения языка Мубарак
Статьи из этой рубрики
Кьурагь дередин тават Маршалдин чар Хайи чIалан къадир хьуьх Вириниз сейли хьанва Жуввал гьикI хуьда?
ЦIИЙИ ТИЛИТ
№: 9(314)
октябрь, 2017

Скачать PDF

РУБРИКИ

ПОЛЕЗНОЕ