РикIера гел туна
Эпитафия  |  3(308) 2017      
     Залан хабарди чи рикIер къарсурна. Алай йисан 15-мартдиз лезги интеллигенциядин зурба векилрикай тир «Самур» Лезги Милли Меркездин кьил Шаир Гьасанова вичин дуьнья дегишарна. Шаир Нежмеддинан хва Гьасанов 1936-йисуз КцIар шегьерда дидедиз хьана. 
     1953-йисуз КцIар шегьердин урус мектеб акьалтIарай жегьил гьа йисузни Азербайжандин Политехнический Институтдик экечIна. 1958-йисуз ада и институтдин шегьердин рекьер ва автомобилрин шегьреяр тухудай факультет куьтягьна. Институтда хъсан чирвилер къачур ам республикадин эцигунрин министерствода кIвалахал акъвазна. 
     Шаир Гьасанован уьмуьрдин рехъ ярж алайди хьана. Ада 1958-1959-йи­сара эцигунрин крарин тешкилатчивиле кIвалахна. 1959-1962-йисара илим­дин ахтармишунрин лаборато­рия­диз регьбервал гана. 1962-1965-йисара эцигунрин трест­да кьилин ин­же­нервиле, 1965-1966-йисара Азер­бай­жандин Эци­гун­рин Министерст­вода техникадин жигьетдай ида­ра ийидай отделдин чIехидан куь­мекчивиле, 1966-1977-йисара «Ракьбетон» трест­­дин кьилин инженервиле, 1977-1980-йисара хуьруьн майишатдин эцигунрин министрдин сад лагьай заместителвиле кIвалахна.
     Вичин зегьметдин ва алакьунрин нетижа яз къвердавай дережа хкаж хьайи Шаир Гьасанов 1983-йисуз хуьруьн майишатдии эцигунрин министрвиле тайинарна. Ада пуд йисуз чешнелудаказ и къуллугъ кьилиз акъудна. Гуьгъуьнин йисарани адал са шумуд жавабдар къуллугъар ихтибарна. Ада 1990-1998-йисара республикадин майишатдии эцигунрин материалрин министрвилин, 1998- 2001-йи­сара республикадин ко­м­му­нальный майишатдин ми­нистрвилин, 2001-2006-йисара Гьу­куматдин Эци­гунрин Комитетдин седривилин къул­лугъар кьилиз акъудна. Азербайжан СССР-дин «Лайихлу инженер» тIварцIиз лайихлу хьайи, пудра Азербайжандин Верховный Советдин депутатвиле хкягъай чи ватанэгьлиди 1982-йисуз «Яру Зегьметдин Пайдах», 1986-йисуз «Шереф нишаны» орде­нарни къачуна. 2015-йисалай адаз Азербайжан Республикадин Прези­дентдин пенсия тайинарна.
     Зурба тешкилатчи тир Шаир Гьасанова чи республикада цIудралди мектебар, азарханаяр, поликлиникаяр, яшайишдин кIвалер, спортдин маканар эцигуник чIехи тир пай кутуна. 
     Азербайжан Республикадин гьу­ку­матдин эцигунрихъ галаз ала­къалу къуллугърал 50 йисуз ара датIана кIвалахай Шаир Гьасанова 2006-йисалай уьмуьрдин эхирдалди «Самур» Лезги Милли Меркездиз регьбервал гана.
     Гьа ихьтин краралди вири рес­публикадиз сейли хьайи Шаир Гьа­санова вичин савадлувилелди, пе­­­­ш­е­­карвилелди, гьакIни къени къи­лих­­ралди халкьдин патай гьуьрмет къазанмишна.   
     Чина даим хъвер авай и лезги интеллигенциядин тIвар-ван авай векилдалди ам чидай вири ксари дамахдай. 
     Адан экуь къамат рикIера эбеди яз амукьда. Аллагьди рагьмет авурай!
 
«Самур» Лезги Милли Меркез
«Самур» газетдин коллектив 
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Яран сувар, жуван сувар Редакцияди мугьманар кьабулна Для сохранения языка Мубарак
Статьи из этой рубрики
Хожалыдин сед РикIелай тефир камалэгьли Bağışla bizi, Çingiz! Кьакьанрихъ ялна Хожалыдин тIал
ЦIИЙИ ТИЛИТ
№: 9(314)
октябрь, 2017

Скачать PDF

РУБРИКИ

ПОЛЕЗНОЕ