Мад са генерал
Чи сейлибур  |  3(308) 2017      
     Алатай вацра РФ-дин Президент В. Путинан  Указдалди ва  РФ-дин оборонадин министр С.Шойгудин  Приказдалди  Краснодар вилаятдин гьавадин космосдин къуватрин дивизиядин ко­мандир Гьажиев Тагьир Минетуллагьан хциз генерал-майорвилин чин  гана. 
     Тагьир Гьажиев 1960-йи­суз Кьурагь ра­йондин Штулрин хуьре  дидедиз хьана. 1977-йисуз Белиждин 1-нумрадин юкьван мектеб акьалтlарна Ставрополдин маршал В.Судецан тlварунихъ галай авиациядин училищедик экечlна. Инаг яру дипломдалди куьтягьай жегьилди эскадрильядин командирвиле къуллугъна. Гуьгъуьнай ам РФ-дин ПВО-дин военный академиядик экечlна. 
     1992-йисуз инаг къизилдин медалдалди акьалтIарай Тагьир Гьажиева авиациядин хиляй жавабдар къуллугърал кIвалахна.  Вичихъ зурба алакьунар авай и касди Россиядин Генштабдин курсара чирвилер артухарна. Ам Чита шегьерда авай гьавадин космосдин къуватрин дивизиядин командирдин заместителвиле тайинарна. Гила ам дивизиядин командир я. 
     Россиядин лайихлу военный летчик хьиз   «Ватандин вилик военный рекьяй лайихлувилерай» ордендиз лайихлу хьанва. Вини дережадин военный летчик-испытатель яз ада цIийиз акъудай СУ-15, МИГ -25, СУ-27, МИГ-29 самолетар синагъдай акъудна. Ада цава 30 агъзур сятина лув гана.
Чна кьегьал лезгидиз генерал-майорвилин чин тебрикзава, адаз генани чIехи агалкьунар тIалабзава.
 
Къагьриман ИБРАГЬИМОВ

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Яран сувар, жуван сувар Редакцияди мугьманар кьабулна Для сохранения языка Мубарак
Статьи из этой рубрики
Чи дамах Илимдин экуь гъед Дагълар гъарикI я Сейлибурун кьилив Ханбиче Хаметова
ЦIИЙИ ТИЛИТ
№: 9(314)
октябрь, 2017

Скачать PDF

РУБРИКИ

ПОЛЕЗНОЕ