Гьалал я ваз!
Барка  |  1(306) 2017      
     Лезгийрин тIвар-ван авай сеняткар, Азербайжандиз ва Дагъустандиз кларнетдал ягъизвай зурба макьамчи хьиз сейли тир Ширбет Рзагулиеваз и мукьвара «Дагъустандин халкьдин артист» гьуьрметдин тIвар гана лагьай хабарди гзафни-гзаф шадарна чун. «И тIвар адаз дидедин нек хьиз гьалал я», - лагьана фикирна чна. Вучиз лагьайтIа Ширбет дуьньядиз макьамчи хьиз атанвай, вичин уьмуьр кьиляй-кьилди сенятдиз бахш авунвай инсанрикай я.
     Ширбетан чирхчирриз адан музыкадал гьикьван рикI алатIа, ам кларнетдив чан алай инсандив хьиз гьикI агатна рахазватIа, вичин дегьне гьиссер кларнетдин мецерин куьмекдалди гьикI чIалал гъизватIа, илгьамдиз атайла ада кларнетдив гьихьтин аламатар ийиз тазватIа хъсандиз чида.
     1951-йисуз Худата дидедиз хьайи Ширбет Гьикметан хва Рзакъулиев ина юкьван мектеб акьалтIарайдалай кьулухъ вичин мурадрин гуьгъуьна аваз Магьачкъаладиз рекье гьатна. Музыкадин мектебдин кларнетдин синифда чирвилер къачур ада Дагъустандин Гьукуматдин Телевиденидин халкьдин музыкадин алатрин ансамблдин солиствиле кIвалахна. 1976-йисуз Дагъустан Рес­публи­ка­дин Медениятдин Минис­тер­стводин куь­мек­далди Азербайжандин Гьу­ку­матдин   Консервато­рия­диз кьабул хьайи же­гьилдин алакьунар фад винел акъатна. Консер­ватория акьалтIарайла Азер­бай­жандин зурба ­се­н­яткар Саид Рустамова ам вичи регьбервал гузвай гьукуматдин халкьдин му­­зы­кадин алатрин ан­сам­блдиз солиствиле кьа­булна. Ина 20 йисуз ара датIана кIвалахай Ш.Рзакъулиева Рашид Бегь­будов, Шевкет Алек­перова, Гуьлагъа Мамедов, Зейнаб Ханларова, Ялчин Рзазаде, Мамедбагъыр Багъырзаде, Нисе Кьасумова  хьтин сейли маничийрин ва масабурун сенятдикни вичин пай кутуна.
     Азербайжанда вичихъ халкьдин арада чIехи нуфуз авай Ширбета алатай зулуз Магьачкъалада гайи кьилдин концерт Дагъустандин харусенятдин уьмуьрда чIехи вакъиадиз элкъвена. Навруз Шагьбазован регьбервилик кваз Дагъустандин халкьдин музыкадин алатрин ансамблдихъ галаз санал гайи и концертда Ширбета вичин виртуозвилелди вири гьейранарнай. Дуьньядин халкьарин гьаваяр рикI алаз ягъай ада лезги халкьдин манияр акьван шанкьунивди чIалал гъанай хьи, залдин цлар капари юзурнай.
     Вичин 65 йис хьанвай Ширбет Рзакъулиев исятда сенятдин шегьреда ава. Чна адаз и рекье чIехи агалкьунар тIалабзава. Югъ а югъ хьурай хьи, сеняткарди «Азербайжан Республикадин халкьдин артист» лагьай гьуьрметдин тIвар къачурай. Ам и тIварцIиз лайихлу я.
 
Роза ГЬАЖИМУРАДОВА
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Bağışla bizi, Çingiz! Мурадрин геле аваз Агалкьунар тIалабзава Хъалхъас баде
Статьи из этой рубрики
Аваз хьурай "Лезги газет"! Халкьдиз бахш авур уьмуьр Cедакъет Керимова - 60 «Сувар»у скоро 20 лет Чи барка
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ