Агалкьунар тIалабзава
Барка  |  1(306) 2017      

    ТIвар-ван авай журналист ва шаир, лезги чIалаз, медениятдиз, халкьдин тIал алай месэлайриз талукь сад-садалай марагълу макъалайрин автор Мегьамед Ибрагьимов кьиле тухвай конкурсдин нетижайрал бинеламиш хьана Дагъустан Республикадин печатдин ва информациядин министрдин приказдалди 2017-йисан 13-январдилай «Лезги газетдин» кьилин редакторвиле тайинарна лагьай хабарди чун гзаф шадарна. ЧIал вилик тухуз алахъзавай, хайи халкьдин таъсиб чIугвазвай савадлу, намуслу, зегьметдал рикI алай ихьтин жегьилар чи журналистикадин кьиле хьун дамах кутадай кар я.

     Мегьамед Ибрагьиман хва Ибрагьимов 1988-йисан 6-мартдиз Кьурагь райондин КIирийрин хуьре муаллимдин хизанда дидедиз хьана. 2005-йисуз юкьван мектеб акьалтIарай ам Дагъустандин Гьукуматдин Университетдин Дагъустандин филологиядин факультетдик экечIна. 2009-йисуз филологиядин чирвилерин бакалаврдин, 2011-йисуз магистрдин дережаяр къачуна. 2011-2014-йисара университетдин аспирантурада кIелай ада “Азиз Алеман яратмишунра мягькем формаяр” темадай диссертация хвена филологиядин илимрин кандидатвилин дережа къачуна. Вузда кIелзавай йисара М.И.Ибрагьимова Дагъустан Республикадин Президентдин ва Дагъустандин халкьдин шаир Расул Гьамзатован тIварунихъ галай стипендияр къачуна.

     2008-йисуз «Къурушрин сес» газетда жавабдар секретарвиле кIвалахай жегьил 2009-йисалай «Лезги газетда» мухбирвилин кIвалахал акъвазна. Ам РФ-дин кхьирагрин ва журналистрин кIватIалрик ква. Хайи чIал ва меденият хуьнин, вилик тухунин карда къазанмишай агалкьунрай М.И.Ибрагьимоваз 2012-йисуз Дагъустандин халкьдин шаир Юсуп Хаппалаеван тIварунихъ галай премия гана. 2017-йисуз ам чIалан месэлайриз талукь макъалайрай чIехи алим Мегьамед Гьажиеван тIварунихъ галай премиядиз лайих хьана. М.И.Ибрагьимов «Илгьамдин сегьер (2009-йис) кIватIалдин автор ва «Умудрин экв» (2013-йис) ктабдин кьве автордикай сад я. 2016-иисуз М.И.Ибрагьимоваз РД-дин печатдин ва информациядин министерстводин Гьуьрметдин грамота гана.

     Чун Мегьамед Ибрагьимова алакьунар авай къелемэгьлияр редакциядив агуддайдан, газетдин чIал ва ери хъсанардайдан, кутугай сайт арадал гъидайдан чIалахъ я. Адаз и рекье чIехи агалкьунар, гзаф йисара гьакъисагъвилелди газетдиз регьбервал гайи сейли журналист Агъариза Саидов кьиле аваз вичин 90 йис къейд авунвай «Лезги газетдиз» мадни яргъи уьмуьрар тIалабзава чна.

 

“САМУР” газетдин коллектив

Комментарии к статье

Феликс Нагиев   05.02.2017 09:39
Знаком я с Магомедом Ибрагимовым с 2012 года. Человек с большой буквой, патриот, знающий свое дело. Лично приезжал в Харьков для ознакомления с Лезгинским культурным обществом в Украине. Проводил поетические вечера, заложил фундамент лезгинской библиотеки в Харькове. Имеет свою творческую команду. Знает, что хочет. Обращаюсь к интелгенцию лезгинского народа, поддержите Магомеда Ибрагимова всячески, он зтого заслуживает.

Оставить комментарий

Имя:     Email:

Так же в этом номере
И чил хайи диге я Мурадрин геле аваз Bağışla bizi, Çingiz! Гьалал я ваз! Mənalı həyat yolu
Статьи из этой рубрики
Аваз хьурай "Лезги газет"! «Сувар»у скоро 20 лет Халкьдиз бахш авур уьмуьр Cедакъет Керимова - 60 Mənim qələm dostum
ЦIИЙИ ТИЛИТ
№: 9(314)
октябрь, 2017

Скачать PDF

РУБРИКИ

ПОЛЕЗНОЕ