Гурлуз кьиле фена
Редактордин гаф  |  11(305) 2016      

     И йикъара Дагъустандин Белиж поселокдин “Элита” имаратда манидар ва журналист КъагьриманИбрагьимован 60 йисан юбилейдин мярекат кьиле фена.

     Кьурагь райондин Хпежрин хуьряй тир, Дербентдин музыкадин училище куьтягьай Къ.Ибрагьимова Лезги театрда, Белиждин гимназияда кIвалахна, аялрин кьуьлердай ансамблдиз регьбервал гана. 16 йисуз “Ким” ансамблдин регьбер ва солист яз кIвалахна. Дагъустандин Гьукуматдин Университетдин тарихдин факультетни акьалтIарна.

     Ам 300-дав агакьна манийрин автор я. Республикадин телерадиодин къизилдин фондуна адан 50-дав агакьна манияр гьатнава. I995-йисуз ада вичин манийрин “КIанда вун” тIвар алаз сифте ктаб акъудна. I0-йисуз Хив райондин ЦIийи Фригърин хуьруьн харусенятдин мектебдин директорвиле кIвалахай Къагьриман “Музыка милли мектебда” тIвар алаз 4-8-синифар патал кхьенвай кьве ктабдин автор я.

     1994-йисуз адаз Дагъустандин искусствойрин лайихлу кIвалахдар лагьай гьуьрметдин тIвар гана.

     Юбиляр тебрикиз Дагъустан Республикадин Халкьдин Собранидин жавабдар кIвалахдар Сейфулагь Исакьов, СтIал Сулейманан райондин кьил Нариман Абдулмуталибов, Лезги театрдин кьилин режиссер Мирзебег Мирзебегов, СтIал Сулейманан ва Мегьарамдхуьруьн районрин медениятдин идарайрин кьиле авай Майрудин Бабаханов, Эседуллагь Селимов, шаир, журналист Шагьабудин Шабатов, Дагъустандин    халкьдин артистар Фаризат Зейналова, Бесханум Гуьлмегьамедова ва масабур атанвай.

     Юбилярдин чIехи стха Нариман Ибрагьимоваз гаф гайила ада лагьана: «Къагьримана лезги музыкадин, манидин цIийи чин ачухна. Милли манидив цIийи ва маналу, яб акалзавайбурун руьгь хкаждай тегьерда ван ийиз туна. 1985-2000-йисара гьевескар композитордин цIудралди манияр лезги “хитриз” элкъвена. Къагьримана лезги манидиз ватанпересвилин тема гъана. “Шарвили”, “Гьажи Давуд”, “СтIал Сулейман”, “Лезгинка”, “Ярагъ Мегьамед” манийри жегьил несилрин рикIера ялав туна.

     Ада музыкада жегьил, бажарагълу ксаризни рехъ ачухна. Межлисра чи жегьилри ийизвай усал кьуьлер акурла, Къагьримана пешекар Сефербегов Сефербегахъ галаз Белижда “Кард” тIвар алаз аялрин кьуьлердай ансамбль арадал гъана. Гьа са вахтунда абуру ихьтин ансамблар Самурда, ЦIийи Фригъдал, Мегьарамдхуьрени тешкилна ва цIуд йисан вахтунда вишералди гадайризни рушариз “Лезгинкадал”, “Кавхадал” кьуьлер ийиз чирна.

    Шагьабудин Шабатова “Лезги газетдин” патай кхьенвай маналу гафар кIелна. Сейфулагь Исакьова Къагьриман хьтин хциз ва амай веледриз халкьдин адетриз, бубайрин крариз вафалувал къалурдай тербия, бажарагъ ачухардай мумкинвилер гайи Мелик бубани ЦIийиварз диде рикIел хкана.

     СтIал Сулейманан райондин кьил Нариман Абдулмуталибова юбилярди чIугвазвай зегьмет къейдна ва гьукуматдин идарайри Къагьриман Ибрагьимован крариз, алакьунриз гьеле кутугай къимет ганвачирди къейдна.

     Межлис иер лезги манийралди давам хьана. Эхирдай юбилярди вичин кIвачел атай вирибуруз рикIин сидкьидай сагърай лагьана.

Айнур БАЙБУЛАТОВА

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я 25 йисан женг Görkəmli alim РикIелай тефир мярекат Кьегьал
Статьи из этой рубрики
Qubaya istirahətə Чешне яз къалурна ЧIехи хьанва Жегьилрин меркез Кьве гъвечlи аял
ЦIИЙИ ТИЛИТ
№: 11(316)
декабрь, 2017

Скачать PDF

РУБРИКИ

ПОЛЕЗНОЕ