25 йисан женг
Редактордин гаф  |  11(305) 2016      
     Бакуда акъатзавай, Азербай­жан­дин, Дагъустандин, вири дуьнь­ядин лезгийрин газетдиз элкъвенвай, чи халкьдин ван тир «Самурдин» 25 йис тамам жезва. Дидед чIалаз икрам ийиз, ам датIана вилик тухуз алахъзавай, тек жуванбуруз ваъ, гьакI патан халкьаризни чун авайди чирзавай лезги газетдин.
     И гафар кхьидайла зи гьиссерал звал, вилерал накъвар акьалтзава. Са патахъай руьгь хкаж жезва, хвешивилин гьиссерив ацIузва рикI. Вучиз лагьайтIа чи гзафни-гзаф ватанэгьлияр патал бубадин кIвал, дидедин нек хьиз хайи тир халкьдин газетдиз элкъуьриз алакьна чалай «Самур». Муькуь патахъай, ам хуьн патал чи коллективди чIугур кьван азиятар, алахъунар, далу чилиз ягъун тавуна, четинвилер хиве такьаз женг давамарун вилерикай карагзава.
     Эхь, женг я милли газет акъудун. Гьукуматдин патай куьмек авачиз, халкьдин пул гвай ксар агат тийиз, грант гудай тешкилатри мукьув агуд тийиз яцIара аватIани, лезги намусда гьатна хуьзва чна ам. Вучиз лагьайтIа Азербайжанда алай вахтунда лезги къул, лезги диге, лезги чIал лагьайла инсанрин рикIел гьасятда «Самур» газет хквезва. 
     25 йисан къене чна чи тарихдин кIевирнавай чинар ачухарна, халкьдин къагьриманар кIанарна, чи фольклор кIватIна кIелдайбурув агакьарна, чи сейли алимрикай чирвилер гана, хайи эдебиятдикай, классикрикай кхьена, чи чIал къени авуна, жегьилриз ракIарар ахъайна, абурун эсерар чапна, кIватIалриз акъудна, ктабар акъудиз куьмек гана.
     «Самур» халкьдин меслятар гудай, хайибур агуддай, руьгь кутадай кимез элкъуьрна чна. Яргъара авай ватанэгьлийрикайни мукьвал-мукьвал чирвилер гана.
Четинвилери чаз рекьер чирна. Газет хуьн патал гзаф залан парар ялна чна. Чи сабурдал, къастунин кIевивилел мягьтел хьайибурни хьана, чал дамахайбурни, чакай ягьанат авурбурни. Къени рикIериз къени крар аквада, лугьуда бубайри. Кар алакьдачирбурун яракь лагьайтIа, рехне кутун я.  Эхь, са куьнизни килиг тавуна, чна чи рехъ давамарзава. Пул авай, руьгь авачир инсанар вири халкьарихъ авайди я. Чахъ лагьайтIа, лезги руьгь ава. Лезги тIварцIи, хайи чIала, квахь тийидай тарихри хуьз тазва чав чи руьгь.
     25 йисан къене ара датIана газет кхьей кIелдайбур! Пара кьван сагърай куьн! Чак къуьн кутуна, чаз руьгь гана, чи чIалахъ хьана, чун хайидай кьуна, дидед чIалаз икрамна чав агатна куьн. Чи алахъунар куьн паталди я. 
     25 йисан къене чахъ галаз кам-камуна фейи, чаз кхьей къелемэгьлияр! Куь къелем хци, куь мурадар къени хьрай!
«Самурдал» рикI алай жуванбур! Квез виликай къвезвай юбилей мубаракрай!
  
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Görkəmli alim РикIелай тефир мярекат Кьегьал Малла Агьмед
Статьи из этой рубрики
Чешне яз къалурна ЧIехи хьанва Пара жезва Жегьилрин меркез Кьве гъвечlи аял
ЦIИЙИ ТИЛИТ
№: 4(309)
апрель, 2017

Скачать PDF

РУБРИКИ

ПОЛЕЗНОЕ