Виликан йисара хьиз, Закъатала район мадни вилик физва. Ина цIийи рекьер тухуниз ва муькъвер эцигуниз иллаки кIевелай фикир гузва. Эхиримжи вахтара «Евлах-Закъатала-Гуржистан Республикадихъ галаз гьукуматдин сергьят» шегьредин Вини Тала хуьряй тIуз физвай пай гегьеншарна, рекьин къерехар абад авунва. Къорагъан-Къах-Закъатала рехъ кьилин шегьредихъ галкIизвай чка абад авуна, цIийи рекьин къекъуьн туькIуьрнава. Хатасузвал хуьн патал 3500 метрдин яргъивиле кьве патайни цал хкажна, секуьяр эцигнава. Экв гудай система кардик кутунва. Автомобилар ва яхди физвайбур патал тухванвай рекьериз асфальт цанва.

     Куьруь вахтунда Тала вацIалай элячIун патал 172 метрдин яргъивиле куьрсарнавай муьгъ, Мухах вацIал 42 метрдин, Тала вацIал 183 метрдин яргъивиле Мишлеш муьгъ, Бекмез, Зилбан ва Мичкъар вацIарал умуми яргъивил 720 метр тир 20 муьгъ эцигнава.