Цмура цIийи мектеб
Чешне къачу!  |  8(302) 2016      
      Дагъустан Республикадин СтIал Сулейманан райондин къадим хуьрерикай тир, вичяй 3 генерал, 4 полковник, 5 илимрин докторар, 5 илимрин кандидатар акъатнавай Цмур гила вичин карчийралдини вириниз сейли жезва. 26-сентябрдиз хуьре генерал Мегьамедгьанифа Шайдаеван хва, медицинадин илимрин доктор Марат Шайдаеван такьатрихъ эцигнавай кьве гьавадин, 120 чкадин юкьван мектебдин дарамат кардик кутунва.
      «Хуьр» тIвар ганвай куьмекдин пулар кIватIдай фондунин бине кутур Марат Шайдаева мектеб эцигун патал 50 миллион манат пулунин такьатар харжна. Идалай гъейри ада мектетебдиз 5 миллион манатдин аваданлухар къачуна.
      Гила «Хуьр» фондуни агротехникумдихъ ва Дагъустандин  Гьукуматдин Аграр Университетдихъ галаз амадагвал авун къарардиз къачунва. Абуру хуьруьн мектебдин 9-11 синифра кIелзавай аялриз хуьруьн майишатдин пешеяр чирна шагьадатнамаяр вугуда. И шагьадатнамаяр гвай аялар имтигьан тагана агротехникумдиз ва Аграр Университетдин кьвед лагьай курсуниз кьабулда.
     Исятда мектеб патал кIвалахдин база туькIуьрзава. Ина куьлуь авунвай алафар, нек ва майваяр гьасилдай цехар кардик кутада. И кар патал 40 гектар чилин майданар чара авунва. База себеб яз хуьре са шумуд цIийи кIвалахдин чкаяр ахъа жеда. Базадай  къачузвай гелирдив гьам мектеб хуьда, гьам муаллимриз алава мажибар гуда, гьамни абур патал кIвал эцигда.
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Иер жезва КцIар Aялриз хвеши жеда Большой вклад в историю Холодное солнце
Статьи из этой рубрики
Жегьил алимдин агалкьунар Кьегьал Ашукь Алескер рикIе аваз Жуван халкьдиз вафалу жен Дидедин фу
ЦIИЙИ ТИЛИТ
№: 3(319)
апрель, 2018

Скачать PDF

РУБРИКИ

ПОЛЕЗНОЕ