Хабарар | 8(302) 2016
Исмаиллыда велосипеддин завод ачухардай мярекатдал Азербайжан Республикадин Президент Илгьам Алиева районда туризм, халичачивал, чIижерхъанвал, шуьмягъар гьасил авун вилик тухунихъ ва хизанрин майишатар арадал гъунихъ авсиятда райондин чIехибуруз талукь тапшуругъар ганай. И кардихъ галаз алакъалу яз Исмаиллыда тедбиррин план ва талукь программа туькIуьрнай ва са кьиликай кIвалахар кьилиз акъудиз эгечIнай.
Куьруь вахтунда районда шумудни са эцигунар кьиле тухвана, цIийи паркар кутуна. «Гуьнеш парк» иллаки вичихъ ялдайди хьана. Исятда «Зенгезур» тIвар алай набутрин сагъламвилиз куьмек гудай ял ягъидай меркезда эхиримжи крар тамамарзава. Гьа са вахтунда Къалынжагъ хуьре гьар йисуз 1000 тон аштерхандин як гьасилдай фабрика, Кейвенди хуьре 1500 кьил мал-къара хуьдай комплекс, меркезда сувениррин завод, майваяр къапара твадай завод ва маса карханаяр эцигзава.
Са кьадар вахт инлай вилик Исмаиллы шегьердин Хагани куьчеда 172 инсанди кIвалахдай халичачивилин фабрика ва Гьейдар Алиеван проспектда вад мертебадин мугьманхана эцигиз гатIуннава. Мугьманхана арадиз гъун патал 3,5 миллион манатдин инвестициядикай менфят къачуда.
Скачать PDF
Комментарии к статье
Будьте первым кто оставит комментарий к статье.Оставить комментарий