ТуьхкIуьрдани, кIевирдани?
Жеч гьа!..  |  7(301) 2016      
     Мад са бязи газетри Лезги мискIиндикай кхьизва. Тарих­дин чешмейра вичин тIвар «Лезги мискIин» хьиз гьатнавай адан гьакъикъи тIвар кьериз-цIаруз кьаз, «Ашурбег» мискIин хьиз къелемдиз гузва. Са вахтунда адан цлал азербайжан ва лезги чIаларал кхьенвай кьулар алай. ТIварни «Лезги мискIин» хьиз кхьенвай. И тIвар арадал хкун паталди алатай асирдин 80-90-йисара чи кьегьал рухвайри гьикьван зегьметар чIугунай. Са шумуд йисуз мискIиндин тIвар кхьенвай кьулар адан цлал алаз хьана. Ингье гьикьван вахтар я абур алудна. Вучиз алудна лагьайла, мискIин туькIуьр хъийизвайди малумарна. Крар кьилиз акъатайла кьулар алкIур хъийида кьван. Ингье я мискIин туькIуьр хъувунач, я адан тIвар алай кьулар куьрсар хъувунач.
     Газетри кхьизвайвал, гила чиновникар мад гъилера Аллагьдин кIвалел гьавалат хьанва. Ам кIевирна туькIуьр хъийида кьван. Ингье мискIинда къуллугъзавай Фаикъ Мустафади и кардал шак гъизва. Ада лугьузва: «Завай хьайитIа, им са багьна я. Ихьтин акьалтIай таб авуна, мискIин кIевириз кIанзава. Адан къен пад герек тир къайдада ава. Чав икI тирди субутдай документни гва. Эгер къеце пад туькIуьруьз кIанзаватIа, авурай. И кар мискIин кIевир тавунани кьилиз акъудиз жеда.»
     Ф.Мустафади лугьузвайвал, мискIин туькIуьр хъи­йин паталди та­лукь документ герек я. А документда крар мус гатIунна мус куьтягьдатIа, мискIин мус кардик кухдатIа къалурна кIанзава.
     Чна гьина капI ийин лагьана жузурла, им чаз талукь кар туш, фена маса идарайривай хабар яхъ лугьузва. 2008-йисуз Бакуда туькIуьр хъийизва лагьана «Шегьидрин мискIинни» кIевирнай. Ам къедалди кардик кутунвач. Яраб Лезги мискIиндин кьилелни ихьтин кар гъиз кIанзава жал? Гила чаз вуч чир хьурай, ам туьхкIуьрдани, я тахьайтIа кIевирдани?
 
"САМУР"
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я ЧIехи агалкьун Къени крар авур хан Покорение Ханбиче Хаметова
Статьи из этой рубрики
Ихьтин таб женни?
ЦIИЙИ ТИЛИТ
№: 8(324)
сентябрь, 2018

Скачать PDF

РУБРИКИ

ПОЛЕЗНОЕ