Иерни жезва, аваданни
Чешне къачу!  |  7(301) 2016      
     Вичихъ лугьуз тежедай кьван иер тIебиат, ватанперес ва зегьметдал рикI алай инсанар авай Исмаиллы район йис-сандивай иерни жезва, аваданни. Са шумуд халкьдин векилар: азербайжанвияр, лезгияр, гьапутар, лагьижар ва масабур санал стхаяр хьиз яшамиш жезвай и районди къе вири республикадиз чешне къалурзава. Ина цIийи эцигунрин, карханайрин, комбинатрин, медениятдин кIвалерин, мектебрин кьадар къвердавай пара жезва. 
     И йикъара Ханагагь хуьруьн патав эцигна кардик кутунвай цIийи комбинатди районда эцигунрин кьадар артухардай мумкинвал гуда. И эцигунрин комбинатди гьар са сятда 100 кубметр бетон, 120 тон къум, са гьакьванни чирх гьасилда. Ина гьакIни къав кIевирдай материалар гьасил авун къарардиз къачунва.   Комбинатда цIудралди инсанри кIвалахзава ва хъсан мажиб къачузва.
     Гила райондин Баскъал, Къуба­хе­лилли, Балик, Къалынжакъ ва маса хуьрера цIийи карханаяр арадал гъиз кIанзава. И проектди вишералди инсанар кIвалахдин чкайралди таъминарда.
     Алай вахтунда шегьердин Хакъани куьчеда гамарин фабрика эцигзава. Ина гамар санайидин методдалди храда. Проектдив кьадайвал, фабрикада гамар хразвай чIехи зал, выставкаяр ва конференцияр тухун патал залар, хуьрекхана, ял ягъидай кIвалер кардик кутада. Ина 200 касди кIвалахда.
Исятда Кейвенди хуьре эцигзавай, 1500 мал-къара хуьдай комплексди, Къалынжакъ хуьре эцигзавай, уьн­дуьшкадин як гьасилдай фабрикади гележегда агьалийрин дуланажагъ мадни хъсанардай мумкинвал гуда. 
     Районда эцигзавай цIийи карханайрин сиягь идалди куьтягь жезвач. Алай вахтунда ина майваяр къапара твадай карханадин, чIехи къушчивилин фаб­рикадин эцигунар давамарзава. Талыш хуьре йикъа са тон ниси гьасилдай кархана эцигна куьтягьзава. Мукьвал вахтара районда санайидин магьле кардик кутаз кIанзава.
     Исмаиллы абад хьунивай иниз къвезвай туристрин кьадарни къвердавай пара жезва. Мукьвара кардик кутунвай «Сятдин майданди» абур гьейранарзава. Архитектурадин цIийи методрикай менфят къачуна эцигнавай майдан, сад-садалай иер алишверишдин объектар, ял ягъидай чкаяр тай авачирбур я. Са гафуналди, аваданвилерихъ ялзавай Исмаиллы район ара датIана хъсанвилихъ дегиш жезва, чIехи камаралди вилик физва.
 
М.МЕЛИКМАМЕДОВ

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я ЧIехи агалкьун Къени крар авур хан Покорение Ханбиче Хаметова
Статьи из этой рубрики
Жегьил алимдин агалкьунар Кьегьал Ашукь Алескер рикIе аваз Жуван халкьдиз вафалу жен Дидедин фу
ЦIИЙИ ТИЛИТ
№: 3(319)
апрель, 2018

Скачать PDF

РУБРИКИ

ПОЛЕЗНОЕ