ЧIехи агалкьун
Барка  |  7(301) 2016      
     И йикъара Рио-де Жанейрода кьиле фейи XXXI Гатун Олимпиядин Къугъунра Азер­байжандин хкянавай командади са къизилдин, ирид гимишдин ва цIуд буьруьнждин медалар къа­чуна. Санлай 18 медаль къачур чи командади абурун кьадардал гьалтайла 207 уьлкведин арада 15-чка кьуна. Им чIехи агалкьун я.
Олимпиядин Къугъунрай Азер-­­байжандиз къизил медаль гъа­йиди чи ватанэгьли, лезги кьегьал Радик Исаев хьана. Ада медаль къачур юкъуз Азербайжан Рес­публикадин Президент Илгьам Алиева телефондай Радиказ зенгна ам тебрикна. Президентди адаз и гъалибвили вири Азербайжан халкь шадарна лагьана.
Радикан вичин лагьайтIа, шадвилин и кьил, а кьил авачир. Ада журналистриз интервью гудай вахтунда лагьана: «Азербайжандиз Олимпиядин Къугъунра таэквондодай сифте къизил медаль гъунай за жув хушбахт яз гьисабзава. За и гъалибвал жуван дидедиз бахшзава. Ада зи вири медалар кIватIзавайди я. И кар паталди дидеди кьилди кIвални чара авунва. Зи коллекционер гьам я.»
     Заланвал 80 килограмдилай виниз тир спортсменрихъ галаз акъажунар авур лезги пагьливанди финалдиз акъатдалди Кьиблепатан Кореядай тир, Пекиндин Олимпиадада къизил медаль къачур Ча Донкъмин, Британиядай тир Магьама Чо хьтин машгьур спортсменар кIаник кутуна. Финалда адахъ галаз акъажунар ийизвай кас нигерияви Иссуфу Абдулразакъ тир. Радик и тежрибалу пагьливандиз вич-вичихъ агъунваз, кьегьалви­лелди уфтан хьана.
     Олимпия­дин Къу­гъун­рин тарихда аслу тушир Азербай­жандин пайдах сифте яз 1992-йисуз Барселонада XXV Гатун Олимпиадада КцIар райондин Пиралрин хуьряй тир дзюдоист Назим Гьуьсейнов чемпион хьунай хкажнай. Идалай гьугъуьниз ам кьведра Европадин чемпион хьанай. Азербайжандиз сифте яз таэквондодайни Олимпиядин Къугъуьнрин къизил медаль чи ватанэгьли тир Радик Исаева гъана. 2012-йисан эхиррай Азербайжандин командадик экечIай ада Мексикада кьиле фейи дуьньядин чемпионатда буьруьнждин медаль къачуна. 2015-йисан 12-18-июндиз Бакуда кьиле фейи I Европадин Къугъунра ам чемпион хьана. Гьа йисуз ада Мексикадани сад лагьай чка кьуна, дуьньядин кубок къачуна.
     Азербайжан Республикадин Пре­зидент Илгьам Алиева алай йисан 18-июлдиз кьабулай серенжемда Олимпиядин Къугъунра къизил медаль къачур гьар спортсмендиз 400 агъзур манат, кьвед лагьай чка кьур гьар са касдиз 200 агъзур манат, пуд лагьай чка кьур гьар садаз 100 агъзур манат пул гун къарардиз къачунва. Гьа са вахтунда тренерризни талукь тир премияр гуда. 
     Азербайжандин командади, гьакIни Радик Исаева Рио-де Жанейрода къазанмишай агал­кьун­рихъ  авсиятда цIудралди кIел­дай­буру редакциядиз тебрикдин чарар ракъурнава. «Самур» газетдин кIва­лахдарри ва кIелдайбуру чи республикадин медалар къачур вири спортсменар, гьабурукай яз чи кьегьал ватанэгьли Радик Исаев рикIин сидкьидай тебрикзава ва абуруз мадни чIехи агалкьунар тIалабзава.
 
"САМУР"

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Ханбиче Хаметова Къени крар авур хан Покорение Иерни жезва, аваданни
Статьи из этой рубрики
Аваз хьурай "Лезги газет"! Халкьдиз бахш авур уьмуьр Cедакъет Керимова - 60 «Сувар»у скоро 20 лет РикIелай тефир мярекат
ЦIИЙИ ТИЛИТ

РУБРИКИ

ПОЛЕЗНОЕ