Квахьай илимдин кIвалахар
Квез чидани?  |  5(299) 2016      
     1931-йисуз большевикрин партияди уьлкведа савадсузвал кьиляй-кьилди арадай акъудун патал талукь къарар кьабулна. И къарарди урус чIал хьиз, милли чIаларни чирдай мумкинвилер арадал гъана. Чи республикада маса чIаларихъ галаз санал гьакIни лезги чIалан ва лезги чIалан группадик акатзавай чIаларин къайгъу чIугваз эгечIна. И къайгъудик кваз Азербайжан ССР-дин Халкьдин Чирвилерин Комиссариатди А.Н.Генкодивай цIахурар паталди латин графикадин бинедаллаз гьарфарган туькIуьрун тIалабна. Алимди ихьтин чIалан гьарфарган арадал гъана чапдай акъудна. Ингье адавай лезги чIаларикай кхьенвай гзаф илимдин кIвалахар халкьдив агакьариз хьанач. Адан эсеррин са паяр Ленинграддин блокададин вахтунда терг хьана.
     Ватандин ЧIехи дяве куьтягь хьайидалай са шумуд йисар алатайла, А.Н.Генкодин кайвани Л.Б.Панека чи машгьур алим Букар Талибовал чар ракъурна кIвалин архивда амай лезги чIалариз талукьарнавай илимдин кIвалахрикай малумат гана. Ингье вучиз ятIани Б.Талибовавай а эсерар гъилик ийиз хьаначир ва абурукай къедалди хабар авач. Гьа икI, лезги чIалариз талукьарнавай 10-далай гзаф илимдин кIвалахар квахьна.
     Гуьгъуьнин йисара машгьур цIахурви алим Селим Жаферова А.Н.Генкодин гьарфаргандикай менфят къачуна мектебра цIахур чIалал кIелзавай аялар патал тарсунин ктабар кхьена. С.Жаферов гьакIни азербайжан чIалал студентар патал кхьенвай «Заманадин азербайжан чIал» учебникдин автор я.
 
Гуьлхар ГУЬЛИЕВА
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Гуьмбет хкажда РикIелай тефир мярекат Кпул ятар Виридалайни жегьил алим
Статьи из этой рубрики
Аждагьандин йис алукьзава Кьадардал гьалтайла тIимилбур Кьве хтул Шушада талыш чlалал радио? Лезги магьлеяр
ЦIИЙИ ТИЛИТ
№: 8(324)
сентябрь, 2018

Скачать PDF

РУБРИКИ

ПОЛЕЗНОЕ