Кпул ятар
Виликай къвезмай йисара вири Европадиз сейли жеда Дагъустан  |  5(299) 2016      
     Кьулан СтIал хуьруьн патав, чкадин агьалийри пак чка яз гьисабзавай Кпул  ятарин тама, тIебиатдин иер пипIе эцигнавай санаториядихъ гележегда гьар йисуз са шумуд агъзур инсан кьабулдай мумкинвилер жеда. Ина акъатзавай 30-далай гзаф сагъардай булахрикай 2 родондин булахар я. Россияда ихьтин яд анжах кьве чкада - Кисловодскда ва СтIал Сулейманан районда ава.
     Кпулдин ятар кпулдиз, кIарабрин тIалариз, нервийрихъ ва гинекологиядихъ галаз алакъалу тIалариз дава я. Советрин девирда сифте санаториядин дарамат эцигайди Калинан совхоздин директор, Россиядин лайих­лу агроном Сиражудин Алдеров я. Бубадин кIвалах а вахтунда мединститутда кIелзавай адан хва Алдера  давамарна. Ада санатория къайдадиз гъана кардик кутуна.
     Алай вахтунда вичихъ 700-дав агакьна чкаяр авай санаториядин мумкинвилер генани артух жезва. Ам вири Россиядиз ва Еропадиз сейли хьун патал алахъунар ийизва. И карда санаториядиз РФ-дин Гьукуматдин Думадин лезги депутат Мамед Абасов кьиле аваз «Монолитхолдинг» компаниди куьмекар гузва. Карханадин гележегдикай М.Абасова икI лугьузва: «Санаториядин гилан корпусдин кIвалах хъсандиз тешкил хьанва. Адахъ зегьметдал рикI алай коллектив ава. КIвалахдаррин мажибар вини дережадинбур я.
     Чна девирдив къадай цIийи корпусни эцигна кардик кутада. Къуй инсанри ина чеб Европадин лап хъсан санаторияда авайди хьиз гьисс авурай. Куьгь­не корпус цIийи кьилелай туькIуьрда. 4 гектарда чIехи парк кутада. Санатория виликди тухун патал виликай къвезмай са шумуд йисан къене 700 миллион манат пул харжда. ТIебиатдин и иер  пIипI лугьуз тежедай кьван дегиш жеда».
     Са гафуналди, депутатди лугьузвайвал, виликай къвезмай са шумуд йисан къене «Кпул ятар» санатория вири Европадиз сейли жеда.
 
"CАМУР"
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Гуьмбет хкажда РикIелай тефир мярекат Виридалайни жегьил алим Кьегьал кавха
Статьи из этой рубрики
Дагъустандин йикъар Дагестан распахнул объятия Шарвилидин сувар Гурлудиз кьиле фена Шайдаеврин къени крар
ЦIИЙИ ТИЛИТ
№: 7(323)
август, 2018

Скачать PDF

РУБРИКИ

ПОЛЕЗНОЕ