Цекверин тарс
Мах  |  4(298) 2016      
     Садра асланди тама виридалайни гужлу гьайван вуж ятlа чирун патал акъажунар кьиле тухун къетIна. Ада тамун вири гьайванривай нянихъ санал кlватl хьун тIалабна. Асландиз вичив къведайди авачир хьиз жезвай. ЯтIани мад гъилера вичин гьунар къалуриз алахънавай ам. 
     Нянихъ  цекверилай гъейри вири атана. Асланди чепелукьривай цеквер хабар кьурла, абуру куьрелди жаваб гана:
     - Цеквери чпиз мажал авач лагьана.
     Асландихъ хъел акатна.  Ада крчун пепеяр цекверин кьилив ракъурна лагьана: 
     - Фад атурай, тахьайтlа за чеб тlуш гана юхдиз ­акъудда.
     Кичlела зурзун акатай крчун пепеяр гьасятда лув гана цекверин кьилив фена. Са герендилай абур цекверни галаз хтана.
     Асланди жузуна:
     - За эверайла куьн вучиз атанач? И тама пачагь вуж ятlа чизвачни квез? Зун виридалайни гужлу гьайван тирди рикIелай ракъурнава тахьуй куьне?
     Пачагь вун я, адаз гаф авач. Ингье виридалайни гужлубур чун я. Им акъажунар галачизни чизва чаз, - жаваб гана цеквери.
     - Вуч, вуч?­ - Асландик хъуьруьн акатна. ­ За куь кьушун са кьуьлуьнив юхда. Квевай заз вуч ийиз жеда?
      - Юхиз жедатlа ая кван!
     Цеквер вичихъ галаз икl рахаз акурла аслан къуд­гъунна чкадилай къарагъна ва абуруз тlуш гуз эгечIна. Цеквер лагьайтlа, асландин хамуник галкlиз, адан далудал акьахзавай. Са герендилай тама авай кьван цеквер вири асландин хамунал ­къекъвезвай. Аслан гьикьван алахъзавайтlани, адан тапацдик са цвегни акатзавачир. 
      Галатна гьалдай фейи аслан такьат кумачиз къацу векьерал ярх хьана: «Са герен ял ягъин, ахпа за куь дуван ийида», ­- лагьана ахвариз фена ам.
      Гьайванар пагь атlана амай. Им тахьана садавайни асландихъ галаз икl гуьжетиз хьайиди тушир. Цеквер асландин далудилай эвичlна къацу векьерин арада квахьна. Гьайванриз сифте абур кичlела катайди хьиз хьана. Садлагьана абуруз ксанвай аслан чиливди шуткун жез акуна. Гьайванар чпин вилерин чlалахъ хьанач. Аламатдин кар тир. Цекверин кьушунди къуьн-къуьне гана аслан хкажнавай ва ам гьиниз ятlани тухузвай.
      Гьайванрин хъуьредай ванцел ахварай аватай асландиз вич тамун муькуь пата, кьаради кьунвай са фура аваз акуна. Ам и кардин гъавурда акьазвачир:
     - Зун иниз гьикl хьана аватайди я? ­ жузуна асланди. 
     - Вун цеквери иниз вегьенвайди я, ­ лагьана ­хъуьредалди руфунар кьунвай гьайванри.
      Цекверин гужунин чIалахъ хьайи асланди чара атlана лагьана:
     - Квехъ икьван гуж авайди низ чидай? Къедилай тамун пачагь цвег хьун герек я!
     - Чаз пачагьвал герек туш. Анжах чалай вишра залан парар хкажиз алакьзавайди рикIелай ракъурмир.
     - Бес за куьн паталди вуч ийин?
     - Чун садрани кlвалахдивай мийир. ТахьайтIа чахъ хъел акатда.
      Гьа югъ, къенин югъ, цекверик хъел акатиз кичlела садани абур кlвалахдивай ийизвач.
 
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я! Дагъустандин йикъар Жуван халкьдиз вафалу жен Гурлудиз кьиле фена “Сувар” ансамблдин 20 йис хьана
Статьи из этой рубрики
Жив такур гъед Хъсанвилиз писвал Гатфар Жегьил пачагьдин гъалатI Жанавур жез кIан хьайи хеб
ЦIИЙИ ТИЛИТ
№: 1(317)
январь, 2018

Скачать PDF

РУБРИКИ

ПОЛЕЗНОЕ