Вад музей
Харусенят  |  4(298) 2016      
     Дегь чIаварилай вичин тарихар хвенвай СтIал Сулейманан район музейралди сейли я. Агъзур йисарин суракьар гузвай и музейра чи халкьдин къадимвилин ва къагьриманвилин гелер хуьзвай вишералди экспонатар кIватIнава.
     Райондин меркезда уьлкве чирдай музей, Агъа СтIалдал XX виш йисан Гьомер СтIал Сулейманан кIвал-музей арадал гъанва. Идалай гъейри Вини СтIалдал уьлкве чирдай, Алкьвадар хуьре Гьасан Алкьадаридин, Цмурдал Гъалибвилин музеяр кардик ква. Агъа СтIалрин музейдиз СтIал Сулейманан хтул Лидия Сталскаяди регьбервал гузва. 
     Вини СтIалрин музейда къадим девиррилай къедалди райондин тарих къалурзавай 4500 экспонат ава. И музейдиз килигун патал Германиядай, Франциядай, Норвегиядай, Ирандай, Пакистандай, Вьетнамдай цIудралди туристар атана. Франциядай атай Фредерика Лонге-Маркса (Карл Марксан птулди) музейдин ктабда икI кхьенва: «Куьне тарихдин ва медениятдин гуьмбетар хвена теблигъ авуналди инсанар шадарзава. Хайи чиливни хайи медениятдив икьван кIанивилелди эгечIзавай квез чухсагъул.»
     2009-йисуз районда неинки лезги халкьдихъ, гьакI Дагъустандин вири халкьарихъ дамах кутазвай мад са музей арадал гъана. Алкьвадар Гьасан эфендидин музей. Вири Къафкъаздиз ва РагъэкъечIдай патан уьлквейриз сейли чи арифдардин чIехи кIваликай ва 5 залдикай ибарат тир музей халкьдихъ рикI кузвай, чи тарих, чIал, меденият хуьн паталди лугьуз тежедай кьван чIехи зегьметар чIугвазвай Имам Яралиеван пулуналди эцигна кардик кутунвайди я.
Музей тешкил авуник пуд лагьай несилда Алкьвадар Гьасанан мукьвад яз гьисабзавай Дагъустандин ва Россиядин лайихлу муаллим гьуьрметдин тIварар къачунвай Нурият Алкадарская-Гьуьсейновади, гьакIни музейдин директор, шаир Гьуьсейн Гьуьсейнова чIехи пай кутуна.
     Райондин вири музейриз куьмек гузвай И.Яралиева и мукьвара цIай кьуна кайи СтIал Сулейманан кIвал-музей гуьнгуьна хтун патални чIехи пулар чара авунва.
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я! Дагъустандин йикъар Жуван халкьдиз вафалу жен Гурлудиз кьиле фена “Сувар” ансамблдин 20 йис хьана
Статьи из этой рубрики
«Сувар» ансамблдин 20 йис! Заокеанская музыка в Кусарах "Сувар" приглашает «Сувар» вновь поразил зрителей Решадан шегьре рехъ
ЦIИЙИ ТИЛИТ
№: 3(319)
апрель, 2018

Скачать PDF

РУБРИКИ

ПОЛЕЗНОЕ