Шайдаеврин къени крар
Дагъустан  |  4(298) 2016      
     Цмур хуьряй тир Шайдаеврин хизан неинки лезги халкьдин, гьакI вири Дагъустандин ва Россиядин дамахдиз элкъвенва. И хизандай 2 генерал, 4 илимрин докторар акъатнава. Вичин тIвар Ватандин ЧIехи дяведа виридалайни хъсан командиррин сиягьда гьатнавай генерал-майор, тарихдин илимрин доктор Мегьамедгьанифа Шайдаев 18 ордендизни 20 медалдиз лайихлу хьана. Берлинда кьван душмандихъ галаз женг чIугур адаз лезги ва урус чIаларилай гъейри немец, араб ва туьрк чIаларни хъсандиз чидай.
     Адан стха, генерал-майор, тарихдин илимрин доктор Гьажикъурбан Шайдаева Москвада  чIехи къуллугърал кIвалахна, са шумуд йисуз СССР-дин Къенепатан Крарин Министерстводин институтдиз регьбервал гана.
     Санлай къачурла Цмур хуьряй 3 генерал, 4 полковник, 5 илимрин докторар ва 5 илимрин кандидатар акъатнава. Инаг Алибег Фетягьов ва  Зияуддин Эфендиев хьтин машгьур къелемэгьлийрин ватан я. Нафт акъудай цмурвияр – Социализмдин  Зегьметдин Игит Гьажимурад Темирханов ва Сталинан премия къачур Гьажи Мегьамедов вириниз сейли хьана. 
     Хуьруьнбуру лугьузвайвал, Шайдаевриз Цмур шегьердиз элкъуьриз кIанзава. Вилик йисара и хизанди чпин пулунин такьатралди хуьре спортдин меркез, Гъалибвилин музей, хуьруьн кIамал муьгъ эцигна, хуьруьн куьчейра къир туна, иниз хъвадай яд гъана ва маса баркаллу крар авуна. Гила абуру 120 аял патал кьве мертебадин мектеб эцигна куьтягьзава. И кар патал Мегьамедгьанифа Шайдаеван хва, медицинадин илимрин доктор Марат Шайдаева 30 миллион манат пул чара авунва. Алай йисан 1-сентябрдилай хуьруьн аялри цIийи мектебда кIелда.
     Виликай къвезмай йисара Шайдаеврин хизандихъ аялрин бахча, хуьруьн идара патал дарамат эцигунин, хуьруьз къвезвай рехъ къайдада тунин, цин гунгарадин кIвалах акьалтIарунин ниятни ава. Идалай гъейри хизанди ЯркIи патан рекьера къир цаз тада.
    Шайдаеврин къени краралди вири районди дамахзава. Чпихъ мумкинвилер авай гьар са лезги абурулай чешне къачуна халкь патал хъсан крарихъ гелкъвена кIанзава.
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я! Дагъустандин йикъар Жуван халкьдиз вафалу жен Гурлудиз кьиле фена “Сувар” ансамблдин 20 йис хьана
Статьи из этой рубрики
Дагъустандин йикъар Кпул ятар Дагестан распахнул объятия Гурлудиз кьиле фена «Къарагъ, эллер, чIал хуьз экъечI!»
ЦIИЙИ ТИЛИТ
№: 3(319)
апрель, 2018

Скачать PDF

РУБРИКИ

ПОЛЕЗНОЕ