Дагъустандин йикъар
Дагъустан  |  4(298) 2016      
      Алай йисан 12-13- майдиз Бакуда Дагъустандин йи­къар кьиле фена. Азербайжанда сифте яз кьиле фейи и мярекатдин вахтунда къунши республикадай атай мугьманри чи уьлкведин агьалияр Да­гъустандин экономикадихъ, ина яшамиш жезвай халкьарин медениятдихъ, адетрихъ, тарихдихъ галаз танишарна. Туризм вилик тухунин рекьяй Дагъустандихъ авай гегьенш мумкинвилер винел акъудна. Санлай къачурла, дагъустанвияр Бакудиз 30-далай гзаф проектар гваз атана. 
      И чIехи мярекатдихъ галаз алакъалу яз Да­гъустан Республикадин кьил Рамазан Абдулатипов Азербайжан Республикадин Президент Илгьам Алиевахъ ва Милли Межлисдин седри Огтай Асадовахъ галаз гуьруьшмиш хьана. И гуьруьшрин вахтунда кьве республикадин халкьарин арада авай виш йисарин стхавилин алакъайрикай, абурун медениятрин ва адетрин мукьвавиликай ихтилатна ва и алакъаяр мадни вилик тухун герек тирди къейд авуна. 
     Дагъустандин йикъар лезгияр ва аварар яшамиш жезвай районрани гегьеншдиз къейд авуна. СтIал Сулейманан тIварунихъ галай Гьукуматдин Лезги   Драмтеатрди Хачмаза ва КцIара, Дагъустандин Гьукуматдин Аваррин Драмтеатрди Закъатала ва Балакен районра милли чIаларал тамашаяр къа­лурна.
Гьейдар Алиеван тIварунихъ галай имаратдин фойеда «Дагъустандин халкьарин харусенят», «Дагъустандин халкьарин архитектура ва милли пекер», «Къадим Дагъустан ва Дербент», «Дагъустандиз сиягьат» ва маса тIварар ганвай выставкаяр туькIуьрна. Дагъустандай атанвай машгьур коллективри гайи чIехи      концертдикай азербайжанвийриз лугьуз тежедай кьван хуш атана.
12-майдиз Бакуда авай Россиядин информациядинни медениятдин меркезда Дагъустандин кьил Рамазан Абдулатипован ватанэгьлийрихъ галаз гуьруьш кьиле фена. Кьве республикадин арада алакъаяр вилик тухунай Азербайжан Республикадин Президент Илгьам Алиеваз разивал къалурай Рамазан Абдулатипов ватанэгьлийрин тIалабунрихъ галаз мукьувай таниш хьана.
     Мярекатдал рахай лезгийрин ва аваррин векилри чпин теклифар лагьана. Гуьруьшда иштирак авур «Самур» газетдин кьилин редактор Седакъет Керимовади 1992-йисалай  Бакуда акъатзавай «Самур» газетдиз куьмек гунихъ, и йикъара вичин 20 йисан юбилей къейд авур «Сувар» ансамблдин са бязи солистар гьуьрметдин тIварариз лайихлу хьунихъ, милли чIаларал учебникар акъудунихъ, мектебриз кадрияр гьазурун паталди  Бакудин университетрикай сада филиал кардик кутунихъ, лезги ва азербайжан чIаларал эдебиятдин антологияр арадал гъунихъ ва маса проблемайрихъ галаз алакъалу яз месэлаяр къарагъарна. Мярекатдал гаф лагьай ватанэгьлийрин теклифрихъ ди­къетдалди яб акалай Р.Абдулатипова абур гьялун паталди Дагъустандин талукь идарайриз тапшуругъар гуда лагьана. Гуьруьшда Азербайжандин Президентдин милли месэлайрай  ва диндин крарай советник, Бакудин      Мультикультурализмдин Меркездин кьил Камал Абдуллади, Азербайжандин Россияда авай посол Полад Буьлбуьлогълуди, Россиядин Азербайжанда авай посол Владимир Дорохина, РФ-дин Гьукуматдин Думадин депутатар тир Заур Аскендерова, Мамед Абасова, Мурад Гьажиева, Дагъустандин гьукуматдин седридин сад лагьай заместитель Анатолий Карибова ва масабуру иштиракна.
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я! “Сувар” ансамблдин 20 йис хьана Жуван халкьдиз вафалу жен Гурлудиз кьиле фена Чешне къалурзава
Статьи из этой рубрики
Гурлудиз кьиле фена Шарвилидин сувар Куьреда сувар Кпул ятар Дагестан распахнул объятия
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ