Квез чидани? | 3(297) 2016
Лезгийри чпин виридалайни чIехи вацI тир Самурдиз Кьулан вацIни лугьуда. Бес адан виликан тIвар вуч тир? X асирда кхьенвай «Ахтынамедин» делилрив ва А.Ф.Десимонан 1839-йисуз къелемдиз къачунвай «Самур округдикай тарихдин малуматар» эсердин фактарив гекъигайтIа, гьеле чи эрадал къведалди тахминан кьве агъзур йисан юкьвара КIелез хев дагъдин кукIвал кIеле алай. А кIеледин амукьаяр гилалди ама.
Са береда кIеледин лезгийри дагъдин ценерив гвай чилерал, гилан Ахцегьивай 2 километрдин кефер пата хуьр кутуна. Абуру чпин хуьруьз Швегьер тIвар гана. А чIавуз и хуьруьн агьалийри гила чна Самур ва Кьулан вацI лугьузвай вацIални гьа и тIвар эцигна. Им Самур вацIун сад лагьай тIвар я. Ахцегь районда къадим хуьруьн амукьаяр исятдани ама ва адан патарив яшамиш жезвайбуру Самурдиз Швегьер вацI лугьуда.
Гилан Ахцегь шегьердин къадим КIелез хев лугьудай магьлени сифте яз Швегьердин лезгийри кутунай. Самурдин чапла пата Каракуьре хуьруьн къаншарда лезгийри гьеле чеб христианар тир вахтунда чIехи шегьер эцигнай. А.Бакиханова вичин «Гуьлуьстани Ирем» ктабда малумат гузвайвал, ам Камкам шегьер тир.
VII виш йисан эвелра Самсама Ахцегь кIеле (а чIаван тарихдин чешмейра Шагьбани ва Шагьйани хьиз къалурнава) кьан паталди элкъуьрна цIарцIе кутурла кIеледин агьалийривай Ахцегь вацIай яд гъиз жезвачир. Абуру гзаф четинвилелди яд Самурдай гъизвай. Тарихдин чешмейрай малум жезвайвал, а вахтунда кIеледай чилин кIаникай Ахцегь вацI галайнихъ кьве чинебан рехъ, Самур галайнихъ са рехъ физвай.
Скачать PDF
Комментарии к статье
Будьте первым кто оставит комментарий к статье.Оставить комментарий