Дерт квахьна
Мах  |  2(296) 2016      
     Пипин тарцин хъалхъамда чап­расди вичиз муг раснавай. Муг фирягьди, рикIиз чимиди хьанвай. «Ихьтин муг и тама садахъни авач!» ­ лугьуз фурс акатнавай чапрасдик. Мукан чиле экIяюн патал ам вирин кьеряй таза, къацу векьер кIватиз рекье гьатна. Са герендилай тапацра векьер аваз хтай къуьрез аламатдин кар акуна. Ада гзаф зегьмет чIугуна расай муг са ни ятIани чукIурнавай. Чапрасан рикI тIар хьана. 
     Къуьр акI шехьзавай хьи, на лугьуди, якIар атIуз­вай. Патав гвай мукай кьуьгъуьрди кьил акъудна къуьревай хабар кьуна:
     - Я чапрас, вун вучиз шехьзава?
     - Зи муг чкIанва, шехь тавуна вучин за? ­ - лагьана угьуяр ягъана къуре.
     Кьуьгъурдиз чапрасан язух атана. Адав агатна, яргъи япарилай кап аладарна ам  секинариз алахъна. И чIавуз абурув цуцIул агатна:
     - Я чапрас, вун вучиз шехьзава?
     Чапрасди гьадазни вичин кьилел атайди рахана:
     - Хайибур патав хьанайтIа, заз дерт жечир. Абурни тамун вини кьиле ава­-а-­а,­ - лагьана вилерай яру юргъар авахьна чапрасан. 
     - За ви вахаризни стхайриз хабар гуда, вуна са тIимил эха,­ - лагьана цуцIул и хилелай а хилел хкадариз таран пешерин арада квахьна. 
     Къуьрен лагьайтIа, гьикьван шехьайтIани вилин накъвар кьуразвачир. Чапрас шехьунивай, адан кьилел маса гьайванар алтIуш жезвай. Гьар агатай гьайвандиз къуьре вичин ихтилат цIийи кьилелай ахъайзавай, абуруни яб акална рикI­-дуркIун гузвай адаз. Гьар гъилера вичин кьиса рахунивай чапрасан вилин накъвар тIимил жезвай. 
     Гьайванри эл­-мелна адаз цIийи муг туькIуьрун кьетIна. Абур лугьуз­хъуьрез кIвалахдив эгечIайла каш кьунвай къуьрен вахарни стхаяр атана акъатна:
     - Ина авайди мел-­мехъер я хьи! ЦуцIулди табна жал? Гьинва чи чапрас стха? Адан кьилел кар атана, ам ишезва лагьай хабар агакьна чав. 
     Чапрас вилик экъечIна: 
     - ЦуцIулди табнач. Зи муг чукIурнава лугьуз зун ишез­вай. Ингье дустариз жуван дерт ахъаюнивай ам тIимил хьана. Гьа икI, дерт вутI хьанатIани чир хьанач заз, - лагьана хъуьрена къуьр.
     Чапрасан хайибуруз хвеши хьана: 
     - Дерт паюнивай тIимил, хвешивал паюнивай пара жеда, - лагьана абуру.
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
«Сувар» ансамблдин 20 йис! Юбилей къейд ийида Хайи чIалаз икрамзава Уфтан хьана Кусары - столица фольклора
Статьи из этой рубрики
Хъсанвилиз писвал Жив такур гъед Гатфар ЦIийи рагъ Хъсан дуст
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ