Гьакъикъатдиз элкъвей мурад
Инсанар, кьисметар  |  2(296) 2016      
     Алатай йисан гатуз вич Америкадай тир зи дуст руш Элизабета завай жузунай: - «Роза, эгер за ваз Америкадиз эвер гайитIа, вавай къвез женни?» За фикирни тавуна гьасятда жаваб ганай: «Гьлбетда, кIваляй разивал гайитIа, зун къведа.»
     Океандин муькуь пата авай и континент - Америка зун патал гьамиша марагълу са дуьнья тир. Ана зи аял ва жегьил чIаварин хиялрин дустар авай… Жеймс Фенимор Куперан за кIелай «Эхиримжи могикан» ктабдин  къагьриманар тир Чингачкук ва адан хва, могиканрин эхиримжиди – Ункас, Марк Твенан ктабрин къагьриманар Том Сойер ва Гьеклберри Финн, Чарлз Диккенсан ктабрин къагь­риманар Оливер Твист, Теодор Драйзеран ктабрин къагьриманар Керри, Женни Гьергьардт… А ктабра кхьенвай кьисаяр кьиле фейи чкаяр гьихьтинбур ятIа лугьуз фагьумдай за. Аризонадин баябан дуьзенри, Техасдин инсандивай физ тежер тамари, Нью-Йоркдин цавуз хкаж хьанвай кьакьан дараматри са сирлу къуватдалди зун чпихъ ялдай.  Им зун паталди гъил агакь тийир, гьакъикъатдиз элкъведайдаз ухшар тушир  са мурад тир. И яргъа авай уьлкведиз фин, анаг акун гзаф инсанрин мурад тирдини заз чизвай.
     Ингье бубайри гьахълудиз «Мурадар гьакъикъатдиз элкъведа» лагьанвайди я кьван. Алай йисан январдин вацран сифте йикъара чун  - зунни зи кIвалахдин юлдаш санал Бакудин аэропортдай «Баку - Нью-Йорк» самолетдаваз рекье гьатна. Нью-Йоркдин кьилелай фидайла за и чIехи шегьер зурба са йолкадиз ухшарарна. Америка эквер гзаф кIандай уьлкве я. Абуруз экверин къене рекIв гузвай рекламаяр гуз хуш къведа. Ана хьайи са шумуд йикъан къене зун Америкадин медениятдихъ галаз мадни мукьувай таниш хьана. Яргъалай за масакIа фикирдай. Америкавияр чпелай рази, чарадаз виняй агъуз килигдай инсанар хьиз хиялдиз къведай зи. Ингье и фикир-хиял хъсан патахъ дегиш хьана. Гзаф тафаватлу къилихар акуна заз абурун. Мугьман кIандай, чина хъвер авай, гьуьрмет ийиз алакьдай инсанар я кьван америкавияр. Абуру чун гьар юкъуз чпин кIвалериз илифарзавай. Чи патара чран тийизвай тIуьнар гузвай. Гагь-гагь ресторанриз тухузвай. Ина гузвай Мексикадин, Китайдин, Америкадин тIуьнар гзаф тIям квайбур тир.
     За Америкада иштирак авур са мехъерик и уьлкведа вири халкьарин медениятриз ва адет­риз гьуьрметзавайди кьатIана. Чнани абуруз чи Азербайжанда авай адетрикай ихтилатна. Чи кьуьлериз килигна, за лезги чIалалди лагьай манийрихъ мукьуфдалди яб акална абуру. Садбуру чи макьамрал кьуьлерни авуна.
Зун виридалайни гзаф мягьтеларайди вичин аламатдин акунралди инсан гьейранардай, дуьньядин ирид мужидатдикай сад яз гьисабзавай ЧIехи Каньон тир. Иниз дуьньядин гьар патахъай туристар къвезва.
     Америкадай хкведайла зи рикI хуш гьиссерив ацIанвай.
 

 

 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
«Сувар» ансамблдин 20 йис! Юбилей къейд ийида Хайи чIалаз икрамзава Уфтан хьана Кусары - столица фольклора
Статьи из этой рубрики
Сенятди квадарна Кьве веси Спасенные жизни Haradir vətənim? Гьар садаз чешне я
ЦIИЙИ ТИЛИТ
№: 8(324)
сентябрь, 2018

Скачать PDF

РУБРИКИ

ПОЛЕЗНОЕ