Зун гъурбатдиз акъатна
Поэзия  |  1(295) 2016      
     Хайи чилел мугиз тахьай
     Зун гъурбатдиз акъатнава.
     Лезги кьуьлна ругиз тахьай
     Ватандивай къакъатнава.
 
     И цIарар вичихъ алакьунар авай жегьил шаир Вадим Цицик­видинбур я. Интернетда кьериз-цIаруз гьалтзавай адан шииррай Вадимахъ кьетIен илгьам ва вичин хатI авайди кьатIуз жеда.
     Адилрин Вадим 1985-йисан 19-апрелдиз Стlал Сулейманан райондин Цицикрин хуьре  къванцин устlар Абдулазизан хизанда дидедиз хьана. Шиир кхьидай руьгь адак чIехи бубади – Дашдемир Адилова кутуна. Ада хъсан шиирар кхьидай. Касдал чан аламаз, 2010-йисуз Кьасумхуьрел кардик квай «Куьредин ярар» медениятдин меркезди Дашдемир Адилован «Кузва зи рикl, ялав галаз» тIвар ганвай шииррин кIватIал бас­ма авунай.
     2002- йисуз хайи хуьре юкьван мектеб акьалтlарай Вадим Дагъустандин Гьукуматдин Педагогикадин Университетдин Дагъус­тандин филологиядин факультетдик экечlна. Ина кlелай йисара адан шиирарни макъалаяр «Лезги газетда» чап хьана. 
     2007-йисуз университет акьалтlарай жегьилдивай дидед чlаланни литературадин муаллимвиле  кIвалахиз хьанач. Кьисметди ам яргъариз - Хабаровск шегьердиз акъудна. 2007- 2009 - йисара ана къенепатан крарин органра къуллугъна.
     2009-йисуз хизан туькIуьрай Вадим са йисалай Ватандиз мукьвал тир Ростов шегьердиз куьч хьана. Алай чlавуз ада Рос­товда вичин свас - лезги руш Маинадихъ, кьве хцихъ - Мегьамедахъ ва Абдулазизахъ галаз санал уьмуьрзава. Шиирар кхьин адан рикI алай машгъулат я. Агъадихъ чна Вадим Адилован (Цициквидин) шиирар гузва.
 
Акунайтlа
 
Акунайтlа вилериз югъ шад хьайи -
Са чкlанвай рикlин кlусар кlватl хьайи,
Хайи чилел зи лезги халкь сад хьайи,
Куьч хъжедай цаварал зун лиф хьана.
 
Акунайтlа кьегьалдиз югъ - кlвал хьайи,
Сихилд мецел пак тир дидед чlал хьайи,
Куь рикlера, зи рикlе хьиз, тlал хьайи,
Хкаж жедай цавариз зун циф хьана.
 
Акунайтlа лайихдаз югъ тахт хьайи,
Диге патал серф ийидай вахт хьайи,
Гьар дидедиз вичиз дигай бахт хьайи,
Хкахьрай зун, йикъакай хьиз, йиф хьана.
 
 
Нацl хьтин руш
 
Акуна заз тават хуьруьн,
Иер чина аваз хъуьруьн.
Мез рахадай ширин-ширин,
Ширширд ванцел вацl хьтин руш -
Шумал буйдин нацl хьтин руш.
 
Чуькьвезва рикl - жезвач секин,
Гьаларни кваз хьанва серин.
Гуя таж я им цуькверин,
Зи ашкъидин яцl хьтин руш -
Шумал буйдин нацl хьтин руш.
 
Рикlеваз вун акъудиз йиф,
Аман амач - хьанва зайиф.
Хьанач жузаз тlвар кьван, гьайиф,
Зи чандавай кьацl хьтин руш -
Шумал буйдин нацl хьтин руш.
 
Хайи вацl
 
Кукlушрай на къачур бине,
Виридлай заз язва вине.
Акl я хьи заз дидед гине
Авайди хьиз куьгьне пине,
Гъуцари чаз гайи вацl,
Зи хайи чил, хайи вацl.
 
Садзамач хьи, Къуба, Куьре,
Чlал амач хьи, лезги хуьре.
Ягъийрин кlуф хьанва гъуьре,
Къилихар гвай шумуд жуьре,
Рикlериз тlал гъайи вацl,
Зи хайи чил хайи вацl.
 
Кьулан вацlув - чун кьулаба,
Пайиз туна хуьрни уба.
Авай кlус фу нез кьураба,
Бинеди гьикl хуьй къураба?
Лезги эл хьиз кайи вацl,
Зи хайи чил, хайи вацl.
 
Чи жаллатlри бахт кьурурай,
Халкьдин кьисмет бес гьикl хьурай?
Жаваб це заз квахьай кьарай,
Им язва зи руьгьдин гьарай.
Рикlе дердер цайи вацl,
Зи хайи чил, хайи вацl.
 
Атанва зун мад ви кьерел,
Ифин алаз чандин хирел,
Ацукь хьана зун кьве метlел,
Рикlин гафар къвезва мецел,
Халкь кьве патан хьайи вацl,
Зи хайи чил, хайи вацl.
 
Вил гала зи
 
Вил гала зи хайи чилин накьварихъ,
Диде акур зи шадвилин накъварихъ,
Аял чlавуз рагал авур ахварихъ,
Хайи хуьруьхъ, бубад сурухъ вил гала.
 
Вил гала зи «Периздадихъ», мехъерихъ,
Чил юзурдай чи туьнт лезги кьуьлерихъ,
Суван синел чарх язавай лекьерихъ,
Рикlер ачух кьегьалрихъ зи вил гала.
 
Вил гала зи бубайрин ирс-адетрихъ,
Чи эллерин къени, мили хесетрихъ,
Булахдал физ рекье авай кlеретlрихъ,
Дагъви рушан дамахдихъ зи вил гала.
 
Зи вил гала лезги чилин таватрихъ,
Агъузна кьил рехъди физвай къаматрихъ,
Мехъерик жер дуьгуьрдихъни тIаратlрихъ,
Зи Цуькверан вилерихъ зи вил гала.
 
 

Комментарии к статье

Гюзеля Гасанова   30.01.2016 11:29
Рик1ин сидкьидай Вадимазни мубаракзава ва чазни, литературадал, шииратдал рик1 алайбуруз, и кьет1ен вакъиа. Вадиман шиирихъ галаз зунни таниш яз са шумуд йис я. Зун ч1алахъ я ки са ч1авалай и бажарагълу жегьилдин т1вар чаз мукьвал-мукьвал къведа. Агалкьунар т1алабзава.

Оставить комментарий

Имя:     Email:

Так же в этом номере
И чил хайи диге я Бакуда лезги караоке РикIериз экв чукIурзавайди Открылся дом дружбы Жуввал хуьн!
Статьи из этой рубрики
Женгера фейи уьмуьр СтIал Сулейманаз гуьмбет хкажна Лезги чIал кIанарзава Са маса тIям ава Ватандин чилихъ “Квахьай йикъарган” кIелайла...
ЦIИЙИ ТИЛИТ
№: 7(352)
октябрь, 2021

Скачать PDF

РУБРИКИ
Шаирар
"Самур" - 30
Люди и судьбы
Yubiley
Чи къагьриманар
Tarixin izi ilə
Gəncliyimiz – qürurumuz
Müsahibə
Dünya ləzgiləri
Яран сувар
Diqqət: İnsan taleyi!
İnam və iman
Спасём планету
Qarabağ müharibəsi
Редакциядин дустар
Редактордин гаф
Дагъустан
Диктант
Чи кьегьалар
Чи классикар
"Самур" - 20
Мах
И чил хайи диге я
Жеч гьа!..
Dağıstan xalqları
ЦIийи ктабар
Milli Məclisə məktub
Языки мира
Марагълу инсанар
Redaksiyaya məktub
Лезги чIалан месэлаяр
Известные лезгины
Новости Россотрудничества
Добрые вести
Квез чидани?
Юбилей
Лезгияр вирина
SOS!!!
Известные лезгиноведы
С верой в душе
"Самурдин мектеб"
Мораль
Чи адетар
Məşhur ləzgilər
Чи хуьрер
Новости на все голоса
Известные кавказоведы
Хъсан хабарар
Чи адетар
Yeniliklər
Алимрин веревирдер
Чакай кхьенай ...
Чешне къачу!
Çıxışlarımızın əks-sədası
Ша, лезги чIалал рахан!
Эпитафия
Барка
Хабарар
Харусенят
Поэзия
Этнография
Тарихдин геле аваз
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Дайджест
Чи сейлибур
Чи тавдин кIвал

ПОЛЕЗНОЕ