Им вучтин адет я?
SOS!!!  |  7(290) 2015      
     Играми редакция! Зун асулдай къубави я, амма шумуд йисар я Урусатда яшамиш жез. Адет тирвал, цIинин гатуз зун жуван хайибурал кьил чIугваз хтанвай. Дустуни вичиз Дигагьдал мехъерик эвернава лагьана зазни теклифна. Зи рикIяй хабар ганвай ада, гьикьван вахтар тир зун хуьруьн мехъерик тежез. Дигагь Къуба райондин  чIехи лезги хуьрерикай я ва ана мехъерарни хъсандиз кьиле тухуда.
     Гъенел туькIуьрнавай дем гзаф гурди тир. Хъсан лезги макьамар ягъизвай. Жегьилри акьван иердиз кьуьлзавай хьи. Са арада юкьван яшарин са итимди макьамчийривай зуьрнедал «Вацран эквер» ягъин тIалабна. Зуьрнедин ван япарихъ галукьайла заз жув цIийи кьилелай дуьньядал хтай хьиз хьана. Вич гьа и хуьряй тир шаир Муьзеффер Меликмамедован «Зуьрнедикай риваят» шиирдин цIарар зи рикIел хтана: «Зуьрне квачир мехъер тахьуй лезгидиз, Зуьрнедин ван гзаф хуш я рикIиз зи.» Мад вуч лугьун, им тахьана эхиримжи йисара заз икьван хъсан лезги мехъер акурди тушир.
     Ингье садлагьана зуьрнедин ван атIана. Кларнетдал «Вагъзалы» макьам ягъиз гатIунна. Са гафни авачиз, мехъерик адет тирвал Азербайжан макьамарни ягъизвай. Амма садлагьана «Вагъзалы» вучиз ягъанатIа чун гьавурда акьунач. Дигагьвийри чаз лагьана хьи, са йис кьван я хуьре ихьтин цIийи адет гьатна. Чам деминиз къведамаз и макьам ягъизва. Зун пагь атIана амукьна. Сад лагьайди, «Вагъзалы» азербайжанвийри свас тухудайла ягъизвай макьам я. Кьвед лагьайди, чам деминиз атунини и макьамди кьазвач эхир. Виликан йисара чи патара чам деминиз атайла «Чамран макьам» ягъидай тир. Чамра вичин таяр-туьшерихъ галаз кьуьлерайдалай кьулухъ, «Бахтлу свас» макьам ягъидай ва рушарини гадайри санал кьуьлдай. Заз чиз, Дигагьдал гьатнавай деб чи мехъеррив кьадайди туш. Ша чна жуван къадим адетрик рехне кутан тийин.
 
 
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я “Шарвили” эпосдин сувар Чи барка Mənim qələm dostum Фестиваль кьилиз акъатна
Статьи из этой рубрики
Буьркьуьдаз экв кIанзава Фадлай хьана кIанзавайди тир Мад са телеканал Террордиз ваъ! Вири къарсурай вакъиа
ЦIИЙИ ТИЛИТ
№: 8(324)
сентябрь, 2018

Скачать PDF

РУБРИКИ

ПОЛЕЗНОЕ