Бакудин бульвар цIи­йи кьилелай гуьнгуьна хтурдалай кьулухъ адан яргъивал 16 километрдив агакьнава. Гила шегьердин агьа­­лийривай ва мугь­­манривай Лацу ше­гьердин бульварда авай «Бульвар гьотелдилай» Бакудин Кристал зал­дал кьван, гьакIни Ба­йилдин бульвардин эхир­да кьван авай чилерал ял ягъиз жеда. 

ЦIийиз кардик кутунвай Бакудин Лацу шегьердин бульварда футбол, волейбол, баскетбол къугъван патал майданар, гьакIни тренажёрдин майдан ава. Санал къачурла, Бакудин бульвар чIехи спортдин аренадиз ухшар я. Шегьердин 3 лап чIехи залар – Бакудин Спортдин Зал, Баку Кристал Зал ва Цин Спортдин Имаратни ина ава. Гьавиляй лугьуз жеда хьи, Бакудин бульвар гьам ял ягъин, гьамни сагъламвал хуьн патал тай авачир чка я.