Къебелевийри «Самур» кхьизва
Абурун кьадар 500-далай алатна Чешне къачу!  |  6(289) 2015      
     Азербайжандин лезги газет «Самур» кхьизвайбурун кьадар къадим Къебеледа йис-сандивай пара жезва. Дидед чIалал акъатзавай газет чи намус я,  адаз дидед чIалан кябедиз хьиз икрам авуна кIанзавайди я лугьузвай ксар ина гьамиша хьайиди я. Къебеледин тIвар-ван авай агъсакъал Баба Бабаева са береда 200-далай гзаф кIелдайбуруз газет кIанарнай. Ам рагьметдиз фейила агъса­къал Садай Агьмедова и рекьяй редакциядиз куьмек ганай. 
     Абуру цайи къени тумари къени цIирер гузва. И кардив жегьиларни агатзава. Бакуда институтда кIелдай йисара «Самурдив» мукьувай агатай Мансур Менсимова Къебеледиз хтайлани редакциядихъ галаз алакъаяр хвена, цIудралди кIелдайбур газетдив агудна. 
     И баркаллу кар къе Къебеледин тIвар-ван авай агъсакъал, духтур Шагьисмаил Исмаилован регьбервилик кваз кьегьал ксари давамарзава. «Самур» чи халкьдин бармак я лугьузвай и къени къилихрин касдин алахъунар себеб яз къе районда лезги газет кхьенвайбурун кьадар 500-далай алатнава.
Къебеледа «Самурдин» даях тир Шагьисмаил Исмаилован кьилив и йикъара газетдихъ рикI кузвай са кьадар ксар кIватI хьанвай. Лугьуз-хъуьрез алатай мярекат газетдикай, ана физвай материалрикай, редакциядинни кIелдайбурун алакъайрикай тир. Сифте абуру газетдин чIехи дустар, рагьметлу Баба Бабаев, Садай Агьмедов ва Физули Явер гьуьрметдалди рикIел хкана. 
     КIел­дайбур санал агатунин себеб 500 лагьай касди - райондин тIвар-ван авай ин­женер Гьемзет Зейналова газет кхьин тир. Идахъ авсиятда Ш.Исмаилова адаз кьилди бахшиш гана ва редакциядин тIварцIелай касдиз разивал къалурна. 501 лагьай кIелдайди элдин сеняткар, хъенчIин къапарин устIар Вакъиф Зейналов хьана. Мярекат куьтягь жедалди мадни 13 касди «Самур» кхьена.
     Жегьилар газетдив агудзавай  Мансур Менсимоваз, аялриз дидедин чIал ри­кIивай кIанарзавай, лезги чIалал шиирар кхьизвай Айтекин Бабаевадиз разивал къалурна. Мярекатдал рахай  райондин вилик-кьилик квай ксарикай Гьуьммет Уьзбегова, Эсед Эмирфетова, Назим Зек­риеева, Илдырым Мирзелиева, Элхан Шейдаева,  Шакир Женнетова, Руслан Мамедова, Назим Рагьманова ва масабуру газетдихъ авсиятда чпин фикирар лагьана, ам хвена кIанзавайди малумарна. Мяре­катдиз дишегьлиярни атанвай. Гуьлейфе Исмаилова Гьемзелидай, муаллимар Ме­лагьет Гьуьсейнова, Рена Гьажиева ва Ругьизер Алиева са кьил Камарвандай атанвай. РикI шадардай кар ам я хьи, къе райондин тIвар-ван авай духтуррин, мектебдин директоррин, муаллимрин, инженеррин, гьакIни адетдин инсанрин арада газетдихъ рикI куз­вайбур пара хьанва.  Абурукай Зия Ба­баев, Бехтияр Алия­ров, На­дир Насрул­лаев, Эмир­­хан Бурзу­ев,  Азер Жаферов, Тегь­ран Мусаев, Вуь­сал Месимов, Желил Се­фер­чинов, Элгьед­дин Женнетов, Жа­ван­шир Исмаилов Муьр­­сед­дин Аб­ду­ра­гьманов, Нес­­­реддин Эми­ров, Вукъар Ис­маилов, Ил­къар Исмаилов, Жа­мал Ресулов хьтин «Са­мурдал» рикI алай инсанрин тIва­рар кьаз жеда. КIелдайбурув газет вахтунда ага­кьаруник Жуьм­­шуьд Расу­лова, Насруллагь Къужаева, Элбрус Ибрагьимова, Ве­йис Бабашова ва масабуру чIехи пай кутазва.
     Мярекатдин вахтунда «Самур» газетдин редакциядихъ галаз телефондин алакъа хвейи, вичин рикIин гафар лагьана, адан кIвалахдарриз чIехи агалкьунар тIалаб авур Шагьисмаил Исмаилова кIелдайбурун тIварцIелай редакциядин коллективдив вичин барка агакьарна.
     Гьа юкъуз къебелевияр Шагьисмаил духтурдин мад са алакьунин шагьид хьана. Лезги шаиррин шиирар акьван фасагьатлувилелди кIелна хьи, ада.
Эхь, кIелдайбур кIватI хьанвай чка гъвечIи тиртIани ана авайбурун рикIер гегьенш  тир.
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
«Сувар»у скоро 20 лет Вири дуьньядиз сейли хьана Festivalda ləzgi musiqi səsləndi Булахда яд ава Чирвилер чукIурай кьегьал
Статьи из этой рубрики
Жегьил алимдин агалкьунар Кьегьал Ашукь Алескер рикIе аваз Жуван халкьдиз вафалу жен Дидедин фу
ЦIИЙИ ТИЛИТ
№: 7(323)
август, 2018

Скачать PDF

РУБРИКИ

ПОЛЕЗНОЕ