ГьикI хьайитIани рахада
Фольклор  |  3(286) 2015      
     Са юкъуз кваса вичин гъвечIи гадани галаз рекьиз экъечIна. Гада ламрал акьа­дарна вич яхдиз физвай. Рекье дуьшуьш хьайибуру лугьузвай:
     - ПIагь, им аку, гъвечIи аял ламрал акьадарна, вич яхдиз физва.
     И ван хьайи квасади халкь рахун тавурай лагьана гада авудна вич ламрал акьахна, рекье гьатна. 
     Рехъди физвайбуру и кар акуна: «И касдиз регъуь тахьун аку, вич ламрал алаз, гъвечIи гада яхдиз тухузва», - лагьана.
     - И инсанрин гъиляй зи кьил тIар хьана, - лагьана квасади вичин къвалавай гадани ламрал ахкьадар хъувуна.
     Са кьадар рехъ фейидалай кьулухъ дуьшуьш хьайи маса инсанар рахаз хьана:
     - И кьуьзуь касдихъ эсиллагь инсаф авайди туш. И чими юкъуз гьайвандин язух татана кьведни акьахна физва. 
     И кар акурла квасади: 
     - Ша чан хва, чун кьведни эвичIна яхдиз фин, ибуру чалай гъил къачудач, - лагьана гьакI авунни авуна.
     Рекье дуьшуьш хьайи маса инсанри: “Лам къувунарна чеб кьведни яхдиз физвай ибурун акьулдиз килиг”, - лугьузвай.
     И гафарикай зегьле фейи квасади: «И инсанар гьикI хьайитIани рахадайбур я, ша чун ламрал акьах хъийиин, - лагьана кьведни акьах хъувуна.
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Яран сувар атана! ЧIехи гафарган Гатфар Агалкьунар хьураЙ Са маса тIям ава Ватандин чилихъ
Статьи из этой рубрики
Я Лацарин Гавдан дере Бадейрин кьула Кусары - столица фольклора Къурушвийрин мисалар Яран мисалар
ЦIИЙИ ТИЛИТ
№: 11(316)
декабрь, 2017

Скачать PDF

РУБРИКИ

ПОЛЕЗНОЕ