Сулейманан хци чIалар
Хабарар  |  2(285) 2015      
     Вири дуьньядиз сейли шаир, XX виш йисан Гомер, лезги поэзиядин дамах СтIал Сулейманан шиирар алатай асирдин 30-йисара СССР-дин вири халкьарин, Европадин хал-кьарин, китай, корея, монгол, вьетнам, япон халкьарин, са гафуналди, вишдалай гзаф халкьарин чIалариз элкъуьрнай. И кар къени давам жезва. Мисал яз мукьвара Россиядин Ярославль ше-гьерда урус чIалал чапдай акъуднавай «ЦIийи таржумаяр» ктаб къалуриз жеда. Шиирар урус чIалаз элкъуьрнавайди машгьур шаир Евгений Чеканов я. Адаз мукьувай куьмек гун патал Сулейманан шиирар цIарба-цIар урус чIалаз филологиядин илимрин доктор Фейзудин Нагъиева ва шаир Арбен Къардаша элкъуьрнава. Ина абурун СтIал Сулей­манакай кхьенвай ма-къалаярни гьатнава. 
     Урус чIалаз элкъуьрнавай шииррик шаирди 1886-1937 йисара кхьенвай хкянавай чIалар акатнава. Ина сифте яз адан «Тават» шиирни ганва. Шиирар гьам лезги, гьамни урус чIалал чапнава. Гьа и карди кIелдайбуруз таржумайрин еридикай веревирдер ийидай мумкинвал гузва. 
     Авайвал лугьун хьи, Е.Чеканова чи чIехи шаирдин чIалар гзаф рикI алаз, кьетIен пешекарвилелди, Сулейманан руьгь хвена элкъуьрнава. «Дербент шегьердиз», «Билбил», «Кавхадиз», «Фекьияр», «Куьре­вийриз», «Къафкъаз», «Дагъустан», «Судуяр», «Жеда кьван» хьтин шииррин таржумаяр иллаки вини дережадинбур я. Гзаф шиирар ктабдин тIварцIив кьадайвал, цIийи таржумаяр я. Са гафни авачиз, и ктабди чи чIехи шаир мад гъилера урус кIелдайбурун рикIел хкида, Сулейманан камаллу чIалари абур гьейранарда. 
     ЦIийи ктабдин идея ганвайди «Евразия конгрессдин» кьил, шаир Мамед Халилов, проект кьилиз акъу-диз куьмекнавайди Васиф Гьасанова регьбервал гузвай Ярославлдин лезги-милли автономия я. 
 
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Хожалыдин тIал Чи дамах ЧIехи алимдиз гуьмбет Пеласги
Статьи из этой рубрики
«Шагь дагъ» комплексда хьана Гьар ктаб са вакъиа я Урус чIал чирзава Къуръан телефонда КичIевал ава
ЦIИЙИ ТИЛИТ
№: 1(317)
январь, 2018

Скачать PDF

РУБРИКИ

ПОЛЕЗНОЕ