Адан экуь рехъ
Лезгияр вирина  |  6(277) 2014      
     Чи чIехи алим ва шаир Алкьвадар Гьасан эфендиди лагьанай: «Инсандиз адан къилихриз, ацукьун-къарагъуниз, халкьдиз авай хийирдиз килигна къимет гана кIанда». Гьа икI фагьум авуртIа, чахъ камалэгьлияр тIимил авач. Ингье и йикъара абурукай садан хуш хабар агакьна чав. Республикадин Президентдин серенжемдалди  «Азер-байжандин лайихлу инженер» гьуьрметдин тIвар къачур Натикъ Алиеван хуш хабар. И къени къилихрин, умун инсандин агалкьунри лугьуз тежедай кьван шадарна чун. Вучиз лагьайтIа ам гьакIни «Самурдин» лап хъсан дустарикай я.
       1977-йисуз Азербайжандин Эци-гунрин Инженеррин Институтдин муькъверин, тунелрин ва метрополитенрин эцигунрин инженервилин факультет акьалтIарна «Азерйоллайигье» Проектдин Институтда кIвалахал акъвазай, 17 йисуз ина чIехи инженервиле, группадин регьбервиле, проектдин кьилин инженервиле кIвалахай адан зегьметдиз пешекарри гьеле а чIавуз лайихлу къимет ганай: «Натикъ Алиев къастунал кIеви, дериндай фикир-фагьумна кIвалахдай, вилик эцигай гьар са месэла патал ара датIана алахъунар ийидай, цIийи, гележег авай кар хцидаказ кьатIудай пешекар я».
ИкI тирди ада вичин краралди субутна. Къуллугъ авур йисара вичин хиве авай вири кIвалахар вини дережеда кьилиз акъудна. Уьмуьрда гьикьван четинвилер ацалтнатIани, зегьметдикай кичIе хьанач. Акси яз, «анжах виликди, са камни къулухъ къачун тийин» хьана адан девиз.
      1995-йисалай «Техномост» проектдин компанида кьилин инженервиле кIвалахай Н. Алиев 2008-йисалай и карханадин директор я. Исятда ада регьбервал гузвай компанидал «Гидро-транспроект» лагьай тIвар ала. И карханадин агалкьунар садни кьвед туш. Мисал яз абурукай са шумуд къалурун бес я. Азербайжан Республикадин Президент Илгьам Алиеван серенжемдалди тестикь хьанвай «Баку шегьердин транспортдин система вилик тухун патал 2006-2007-йисарин тедбиррин пландив» кьадайвал, Бакуда эцигнавай 10 ре-кьерин хев, Пираллагьыда гьуьлел, гьакIни Сальян, Ширван шегьерра ва Пойлу посëлокда Куьр вацIал эцигнавай муькъвер, Товуз вацIал кардик кутунвай муьгъ иллаки рикIел аламукьдайбур я. Бакудин транспортдин инфраструктура вилик тухуник пай кутунай «Техномост» 2006-йисуз «Угъур» Милли Премиядиз лайихлу хьана. 
      Натикъ Алиева регьбервал гузвай компания Азербайжандай къецени сейли я. СНГ-дин уьлквейра ада шумудни са эцигунрин проектар кьиле тухвана. Россиядин Казан шегьерда автомобилдин рекьерин 6 уьнуьгдин ва муькъуьн, Украинада кьве шегьре рекьин, Къазахстанда кьве шегьре рекьин ва са шумуд муькъуьн проектарни и компаниди туькIуьрайбур я. 2007-2009-йисара компания СНГ-дин уьлквейрин арада «Виридалайни хъсан эцигунрин ва проектрин тешкилатдин» II, III ва IV международный конкурсрин гъалиб хьана. 2009-йисуз кархана гьакIни «Bizness Consuting» журналди бизнесдин рекьяй малумарай «Йисан компания» Милли Премиядиз лайихлу хьана. Гьа йисуз Н. Алиева эцигунрин комплексдин виридалайни хъсан регьбердин сертификат къачуна.
Натикъ Алиева вич дидедиз хьайи КцIар райондин къайгъуни чIугзава. Ам КцIар ва КIур вацIарал, Нежеф-хуьруьн вацIал ва Кьуру вацIал кардик кутунвай, гьакIни Азербайжандинни Россиядин сергьятдал, Самур вацIал эцигна кIанзавай чIехи муькъуьн проектрин автор я.
     Вичин гьар са кардиз викIегьвал, руьгьдин зурбавал хас тир Н.Алиев гьамиша хъсанвилерихъ гелкъведа, инсанриз вичелай алакьдай куьмекар гуз алахъда. Инсанриз жезмай кьван гьуьрмет авунин, абурун гьаларикай хабар кьунин, алакьдай куьмек гунин хесетри ам генани чешнелу ийизва. Вичин къилихриз, ацукьун-къара-гъуниз килигна ам чидай вирибуру Натикъ Алиев экуь инсан я лугьуда. «Самур» газетдин коллективди ва кIелзавайбуру и экуь инсандиз вичи къачур гьуьрметдин тIвар барка ийизва. Чун адахъ и рекье мадни чIехи агалкьунар жедайдан чIалахъ я. Вучиз лагьайтIа пуд веледдин буба тир адан рехъ санлай халкьдиз ва ватандиз хвавилелди къуллугъ авунинди, вафалувилинди, вичел дамах ийиз жедайди я.
 
«Самурдин» коллектив

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я АрхитIрин дегь гелер Эльвинадин дуьнья Ордендиз лайихлу хьана Дидед чIалан экв
Статьи из этой рубрики
Волгоградда дидед чIал чирзава Лезгинская книга на международной выставке Ярославлда лезги мярекат Перизада, гьай гуьзел яр МискIин хкажна
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ