SOS!!! | 4(275) 2014
И йикъара чи республикада мад са телеканал кардик кутада. A9AZ тIвар ганвай ада анжах илимдинни диндин программаяр къалурда. Телеканал вич Азербайжандиз Гьарун Ягья хьиз сейли тир Туьркиядин машгьур диндин алим Аднан Октаран куьмекдалди ачухда. ЦIийи кархана А.Октаран Туьркияда авай А9 телеканалдин Азербайжандин версия жеда. A9AZ интернетдин телевизия патал герек тир вири аваданлухар Бакудиз гъанва. Мукьвал вахтара ам кардик кутада.
Са гафни авачиз, цIийи телеканалар арадал гъун хъсан кар я. Абурун кьадар мадни пара хьурай! Ингье са месэла рикIелай ракъурна кIандач хьи, демократиядихъ гелкъвенвай гилан аямда Азербайжанда лезги, талыш, куьрд, тат, авар, татар чIаларални программаяр туькIуьрна халкьдиз къалурдай махсус телеканал кардик кутуна кIанзава. Дагъустанда ихьтин телеканал фадлай ава ва виридавай адакай менфят къачуз жезва.
Вучиз ятIани са шумуд йис инлай вилик чи республикадин вири халкьар патал арадал гъайи Ижтимаи Телевидениди милли чIаларал гунугар гунин эвезда “Кьадардал гьалтайла тIимил халкьарин департаментни” кIевирна. И телевиденидин кьиле авайбуру Евро-союздиз гайи гаф ва махсус устав мус рикIел хкидатIа?
“САМУР”
Скачать PDF
Комментарии к статье
Будьте первым кто оставит комментарий к статье.Оставить комментарий