Фольклор | 3(274) 2014
Чахъ гар са лезгидивай дамах ийиз жедай гзаф девлетлу фольклор ава. И фольклорда мисалри, гьабурукай яз Яран мисалри кьетIен чка кьазва. И мисалар халкьдин акьуллувиликайни камаллувиликай, адан алакьунрикай хабар гузвай, адет яз, куьруьбур ва насигьатлубур я. Гзаф мисалар гекъигунар, везин ва рифма аваз жеда. Абур шиирдин къайдада туькIуьрнава.
Яран ялавар - жегьилрин гьунарар.
Яран каша атIудач, атIайтIани кьатIудач.
Яр гатфарив, Алкьвар - марфарив.
Яран къвайи югъ кьуьд я, алахьай югъ гатфар.
Яран цIаяр ярубур, яран цуьквер - цIарубур.
Яран кар - лежбердин тIвар.
Яран эквервал - сусан иервал.
Яр ава - гатфар ава.
Яран са югъ вири Алкьвардихъ гала.
Яраз цавай яру стIални ават тавурай.
Яр Яран сувариз хкяда.
Яран сувар ялаври иерда.
Яра атIайди хъижеда, фитнеди атIайди ваъ.
Яран гар хару жеда, яран свас - кьару.
Яраз - ярам, гатуз хурам.
Яран гьава - чандиз жафа.
Яран къадир авайдаз таран къадирни жеда.
ХъуьтIуь девлетлуяр, яра кесибар шадарда.
Яран сусал яр жеда, яран тарал зар.
ХъуьтIуьн тIвар залан я, яран тIвар кIубан.
Яраз гъилихъ яру гъал акалда.
Яран Рагъ кьилелай кими тахьурай.
ХъуьтIуьн къаяр патандаз, яран цIаяр жувандаз.
Скачать PDF
Комментарии к статье
Будьте первым кто оставит комментарий к статье.Оставить комментарий