Яран мелер
Этнография  |  3(274) 2014      
      Яран варз лезгийрин арада гьакIни мелерин варз хьиз сейли я. И вацра цанар ва тарар цадайла, кIвалер эцигдайла, гамар храдайла, мехъерар ийидайла генани чIехи мелер тешкилдай. Мелер гзаф инсанрин куьмек герек тир четин кIвалахар кьиле тухун патал арадал гъанвай адет я. Абур маниярни кьуьлер галайбур, гурлубур жедай. Инсанри сад-садаз гуьгьуьллудаказ куьмек гудай. 
     Маса мелер хьиз, гамар храдай мелни гзаф гурлуз тухудай. Гамар храдай рушарни сусар лугьуз-хъуьрез санал кIватI хьайила кIвал ацIудай. Адет яз, кIвенкIве гьар гамунихъ са рехи дишегьли ацукьдай. Сифте квагни гьада вегьена жегьилриз хийир-дуьа гудай. Ахпа рушарни сусар гамунихъ ацукьдай. Абуру сад лагьай кваквар вегьейла макьамчийри «Яран кьуьл», «Яран йиф», «Ярамар», «ЯркIияр»,  «Яру гъед», «Экуьн ярар» хьтин макьамрал илигдай. Дегь чIаварилай амай адет яз и чIавуз анжах Яран чешнеяр храдай. Ихьтин чешнеяр халкьдихъ гзаф авай: «Ярар», «Яру нав», «Яргунар», «Яру фур», «Бубуяр», «Рагар»,       «Иридар», «КекIер», «Алпандин фурар»», «Мукзар», «Яран сумаг» ва мсб.
 
Яран халичаярни сумагар хразвай рушарини сусари яраз талукь манияр лугьудай:
 
Яран ракъар пара хьуй,
БицIи рушар кIура хьуй.
Къуват гуй чи гъилериз,
Хразвайбур хара хьуй!
                 ***
«Яру фурун» яр аваз, 
ТIвар эцига тарамаз.
Руш чидач мус гудатIа,
И яран гам Ярамаз.
                      ***
Тара амай «Яргудин гам»
Мад ви кваквар къекъведалда.
Шаз яргъариз акъатай яр, 
ЦIинин яраз хкведалда.
                    ***
Гамар ришаз тара хьуй,
Хуьруьн рушар пара хьуй.
Зи вили кьур таватар
Къвер яралди кIура хьуй.
                    ***
Яр элкъвенвай яру гъал,
«Марадин фур» варар хьуй.
Тади кутур рушарик,
Яран гамар пара хьуй.

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Яран сувар - жуван сувар Яран манияр Мад са инжи Яран мисалар Российскому информационно-культурному центру в городе Баку исполнилось 5 лет
Статьи из этой рубрики
Яран сувар - жуван сувар Чан дидедин “Лезгинка” Ləzgi çörəyi КцIарин мярекат
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ