Яран манияр
Этнография  |  3(274) 2014      

    Чи фольклорда кьетIен чка кьазвай яран манияр пуд чкадал пайиз жеда: а) Яран сувар алукьунихъ галаз алакъалу тир манияр; б) цанарни къелемар цадайла лугьудайбур; в) яран мелерикни мехъерик лугьудай манияр.

Яр алукьиз мукьвал йикъара ихьтин манияр лугьудай:
 
Яр атурай - сувар гвай,
Силин тIямни савар гвай.
Яр атурай мехъер гвай,
Ргаларни мелер гвай.
           
                     ***
Яран рехъ кьве икIи я, 
Алкьвар, Талкьвар куьруь я.
Элхен, Гелхен тIимил къар,
УрукIун, ТIурукIун кIурукIар.
 
Цанар цадайла лугьудай манияр:
 
Куьне тадиз къивер це, 
Рагъ бубадиз эвер це!
Цифер, марфар инихъди, 
Ракъар, варцар инихъди!
Пепе-шепе тIимил хьуй,
НикIера бул техил хьуй!
ЦIаяр чна куькIуьрна,
Йиф чIагайди туькIуьрна. 
 
Къелемар цадайла икI лугьудай:
 
Я Яран тар,
Я таз тар!
Вун кьазва чи гъилери,
Вун цазва чи гъилери.
 
 
 
 
 
 
 
 
 
 
 
 
Ви дувулди чил кьурай,
Ваз ракъини тIур-цIир гурай!
Цавухъди вун экъечIа, 
Серинар гуз эгечIа!
Ви бегьердин дад кIанда чаз, 
Вуна гъайи гад кIанда чаз.
Чун вахъ гелкъведа,
Вал элкъведа.
Я Яран тар,
Я таз тар!
Цавухъди вун экъечIа,
Серинар гуз эгечIа! 
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Яран сувар - жуван сувар Яран мелер Мад са инжи Яран мисалар Российскому информационно-культурному центру в городе Баку исполнилось 5 лет
Статьи из этой рубрики
Яран сувар - жуван сувар КцIарин мярекат Халкьдин манийрин фестиваль Яран мелер Чан дидедин
ЦIИЙИ ТИЛИТ
№: 8(324)
сентябрь, 2018

Скачать PDF

РУБРИКИ

ПОЛЕЗНОЕ