Ктаб кхьена Барка  |  2(273) 2014  |  “САМУР”
    И мукьвара хайибуру, мукьва-кьилийри, ярар-дустари санал кIватI хьана КцIарин «ОКИ» клиникадин духтур Низами Рустамован 60-йисан юбилей къейд авуна. Санал лугьуз-хъуьрез шадвилин мярекат тухвай хайибуруз и межлисдиз са кьил Волгограддай атай абурун ватанэгьлиди - медицинадин илимрин кандидат, тIвар-ван авай кардиолог Фирудин Абдулабура (Абдул-лаева) рикIелай алат тийир легьзеяр багъишна. Ада вичин чIехи дустуниз кьилди ктаб кхьена чапдай акъуднавай.  
    Низами Рустамовни Фирудин Абдуллаев мукьваларнавайди абуруз кьведазни дагълар пара кIан хьунухь я. Кведни альпинистар тир, шумудни садра дагъларин гирвеяр рам авур и кьве дуст тIебиатдал ашукь, шаирдин рикI авай инсанар я. Абур мукьваларнавай жигьетрикай садни инсанар пара кIан хьун, абурун куьмекдив агакьун, гьакIни датIана хъсанвилерихъ ялун я.  Велоспортдал машгъул тир абурухъ командани ава ва адан кьил Низами хкянава. Алатай йисуз КцIарилай цIар ягъай командади экология хуьн паталди къвердавай инсанар машинрай эвичIна  велосипедрал акьахна кIанзавайди субутиз алахънай. 
Чнани Низами Рустамоваз юбилей рикIин сидкьидай мубаракзава ва адаз руьгьдин кьакьанвал хуьн тIалабзава.
 
“САМУР”