Мегьарамдхуьре шадвилер Хабарар  |  10(269) 2013  |  "Самур"

    Алай йисан 20-октябрдиз Дагъустан Республика-дин виридалайни чIехи лезги районрикай тир Мегьарамдхуьр тешкил хьунин 70 йисаз талукьарнавай суварин мярекатар кьиле фена. Кьиляй-кьилди суварин гьавада авай райондин меркездиз республикадин чара-чара пипIерай ва къецепатан уьлквейрай гзаф мугьманар атанвай. Инсанрин шадвилин гьиссер халкьдин манийрин авазлувили ва лезги кьуьлерин иервили генани артухарзавай. Гьа юкъуз  са вакъиади иллаки вири шадарна. Самур хуьруьн мукьув цIийиз эцигнавай Самур муьгъ ачухарна, ам инсанрин ихтиярда вугана. Мярекатда иштирак авур Дагъустан Республикадин Президентди Рамазан Абдулатипова мегьарамдхуьруьнвияр тебрикна, абуруз чIехи агалкьунар тIалабна.