Палиндромар "Самурдин мектеб"  |  11(258) 2012  |  Куругъли ФЕРЗАЛИЕВ

Вири чlалара хьиз, лезги чlалани палиндромар ава. Чи чlала авай са кьадар палиндромар заз «Самур-дин» кlелчийрин виликни гъиз кlанзава. Эвелни-эвел палиндром терминдин мана-метлеб ачухин.
Грек чlалай атанвай палиндром гаф чи чlалаз таржума авурла «кьулухъ катзавайди» лагьай чlал жезва. Чапла патахъайни, эрчlи патахъайни сад хьиз кlелиз жедай гафуниз, ибарадиз ва я предложенидиз па-линдром лугьуда. Месела: такьат-такьат, тlунутl-тlунутl, хех-хех ва икl мадни. «Ша, ава Али гила, ава аш» - и предложение урусрин «А роза упала на лапу Азора»  хьиз, чапла патахъай эрчlи патахъни, эрчlи патахъай чапла патахъни сад хьиз кlелиз жезва.  
Фикир гайитlа, чи чlала абурун кьадар лап гзаф жеда. Агъадихъ са шумуд мисал гузва.
А малар алама – а малар алама.
Ава дуст, суд ава – ава дуст суд ава.
Азиза – Азиза.
Виш шив – виш шив.
Дад – дад.
Дар рад – дар рад.
Кьама макь – кьама макь.
Кlакl – кlакl.
Кlул еке лукl – кlул еке лукl.
Лап пал – лап пал.
Мирим – мирим.
Нарат таран – нарат таран.
Рапар – рапар.
Саки ири и кас – саки ири и кас.
Тlаратl – тlаратl.
Тlунутl – тlунутl.
Такьат – такьат.
Чи ич – чи ич.

Куругъли ФЕРЗАЛИЕВ