Экуь тIвар Инсанар, кьисметар  |  10(257) 2012  |  "Самур"

Кьакьан буйдин, акунар авай гада тир Самир.  Савадлу, акьуллу ва къени инсан хьиз чидай вирибуруз ам.
Алибегов Самир Абдулрагьманан хва 1978-йисан 1-декабрдиз Хачмаз райондин Ялама хуьре дидедиз хьана. Къуба шегьердин 3-нумрадин мектеб ва юриствилин техникум тафаватлувилелди куьтягьай ам Азербайжандин Гьукуматдин Университетдик экечIна. Адаз ингилис чIал, шагьмат, компьютер хъсандиз чидай, гьавиляй 2001-2004-йисара Къубадин шагьматдин мектебда методиствиле кIвалахнай. Гуьгъуьнлай “IPEX” тешкилатдин интернет вилик тухудай программадик кваз Къубада алахъунар авунай: 2005-2006-йисара ада “Сергьятар авачир футбол” журналдин редакцияда ва “IPEX” тешкилатдин Азербайжандин координаторвиле кIвалахна.
2006-йисалай вичин уьмуьрдин эхирдалди Азербай-жандин “Экв аквадай” тIвар ганвай коррупсиядин акси тир кIватIалдин Къу-бадин офисдин кьилин директорвиле ва Бакудин офисдин координаторвиле кIвалахай ада цIуд-ралди къецепатан уьлквейра симпозиумра иштиракнай.
2011-йисан 19-февралдиз Самиран жегьил уьмуьр кьатI хьана. Ингье хайибурун, ярар-дустарин рикIера адан экуь къамат гьамишалух яз амукьда.

“Самур” газетдин коллектив